Komandante PNTL Munisípiu Viqueque, Superintendente Polísia, Sebastião Alves Quintão. Imajen Tatoli/Vitorino Lopes.

VIQUEQUE, 20 marsu 2022 (TATOLI) – Komandante Polísia Nasionál Timor Leste (PNTL) Munisípiu Viqueque, Superintendente Polísia, Sebastião Alves Quintão, informa, durante eleisaun prezidensiál iha loron 19 marsu to’o oras ne’e la’o ho hakmatek.

“Horisehik ita hahú eleisaun ita haree situasaun iha munisípiu Viqueque la’o normál. Tanba komandu munisípiu Viqueque hetan kolaborasaun masimu hosi FALINTIL-Forsa Defeza Timor Leste (F-FDTL) no Batallaun Orden Públika (BOP) ne’ebé destaka mai Viqueque,” nia informa ba Agência TATOLI, iha salaun munisípiu, Domingu ne’e.

Sebestião dehan, kontribui mós hosi parte autoridade, arte-marsiál no populasaun sira iha munisípiu Viqueque ne’ebé kolabora ho parte seguransa hodi asegura eleisaun prezidensiál.

“Ita hotu hatene munisípiu Viqueque sentru votasaun hamutuk 92 membru PNTL koloka hotu ba sentru votasaun sira,” nia katak.

Prosesu eleisaun hahú hosi dader to’o kontajen iha sentru votasaun sira laiha ameasa ruma no la iha intimidasaun ruma ne’ebé maka afeta ba eleisaun.

“Tanba ne’e, ha’u kongratula ba lideransa hotu-hotu, ba veteranu, lideransa partidu sira no lideransa arte-marsiál sira-ne’ebé maka mai ho hanoin di’ak ba establidade seguransa iha munisípiu Viqueque,” nia agradese.

Jornalista   : Vitorino Lopes da Costa
Editór       : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here