Prezidente Apuramentu munisípiu Viqueque no atuál Diretór Servisu STAE, Humberto Fernandes, fó sai rezultadu apuramentu munisipál, iha salaun administrasaun, domingu (20/03). Imajen TATOLI/Vitorino Lopes da Costa

VIQUEQUE, 19 marsu 2020 (TATOLI)—Ekipa responsável eleitorál munisípiu Viqueque konklui ona kontajen votu, domingu ne’e, hosi sentru votasaun estabelesidu, ne’ebé hosi rezultadu apuramentu, Kandidatu Prezidente Repúblika (PR) hosi partidu FRETILIN, ho númeru sorteiu 06, Francisco Guterres ‘Lú Olo’, lidera ho votu 20.962 hosi totál votu.

“Apuramentu hosi munisípiu Viqueque ita hahú halo kontajen hosi horseik lorokraik (sábadu) tuku 20:30 kalan no ramata iha domingu tuku 17:00 lorokraik. Nune’e, rezultadu apuramentu, kandidatu númeru sorteiu 06 hetan votu 20.962 ho ninia persentajen 49,79%,” Prezidente Apuramentu munisípiu Viqueque no atuál Diretór Servisu Sekretariadu Tékniku Administrasaun Eleitorál (STAE), Humberto Fernandes, informa hafoin ramata apuramentu, iha salaun administrasaun munisipál, domingu ne’e.

Notísia relevante: Komunidade Uaitame Viqueque nia espetativa ba PR foun

Totál eleitorál rejistadu hamutuk 57.881,  votante mai vota hamutuk 43.252 ho taxa partisipasaun 74,73%, votu abondonadu ida, votu nulu hamutuk 839 (1,94%), votu branku 246 (0,57%), votu reklamadu hamutuk haat (0,01%), votu rejeitadu hamutuk lima (0,01%) no totál votu válidu hamutuk 42.157 (97,47%).

Rezultadu tuir mai mak kandidatura ho númeru sorteiu 14, José Ramos Horta ho votu 10.540 (25%), kandidatura ho númeru sorteiu 16, Mariano Assanami Sabino Lopes ho votu 1.989 (4,72%), kandidatura númeru sorteiu 01, Isabel da Costa Fereira ho votu 233 (0,55%), kandidatura ho númeru sorteiu 02, Hermes da Rosa Correia Barros ho votu 332 (0,79%).

Nune’e mós, kandidatura númeru sorteiu 03, Maria Ângela Freitas da Silva ho votu 63 (0,15%), kandidatura ho númeru sorteiu 04, Rogério Tiago de Fátima Lobato ho votu 181 (0,43%), kandidatura ho númeru sorteiu 05, Anacleto Bento Ferreira ho votu 337 (0,80%).

Kandidatura ho númeru sorteiu 07, Maria Helena Lopes de Jesus Pires ho votu 196 (0,46%), kandidatura ho númeru sorteiu 08, Tito da Costa Cristóvão ‘Lere Anan Timur’ ho votu 3.237 (7,68%), kandidata PR númeru sorteiu 09, Armanda Berta dos  Santos ho votu 2.748 (6,52%).

Kandidatura ho númeru sorteiu 10, Antero Benedito da Silva ho votu 262 (0,62%), kandidatura ho númeru sorteiu 11, Constâncio da Conceição Pinto ‘Terus’ ho votu 222 (0,53%),  kandidatura ho númeru sorteiu 12, Virgílio da Silva Guterres ‘Lamukan’ ho votu 82 (0,19%).

Kandidatura ho númeru sorteiu 13, Martinho Germano da Silva Gusmão ho votu 624 (1,48%), kandidatura ho númeru sorteiu 15, no Felisberto Araújo Duarte ho votu 149 (0,35%).

Hafoin finaliza kontajen votu, aban ekipa responsável sei kontinua lori akta rezultadu apuramentu ba Komisaun Nasionál Eleisaun (CNE, sigla portugés).

Ámbitu fó sai rezultadu apuramentu munisípiu Viqueque ne’e akompaña hosi Komisáriu CNE destakadu munisípiu Viqueque, Observadór internasionál hosi Uniaun Europeia, Ofisiál Supervizaun CNE, Brigada STAE no Fiskál hosi Kandidatu PR  iha munisípiu Viqueque no hetan seguransa másima hosi Polísia Nasionál Timor-Leste (PNTL).

Tuir dadus, númeru eleitór iha munisípiu Viqueque hamutuk 58.421, kompostu hosi mane 29.675 (51%) no feto 28.746 (49%).

Munisípiu Viqueque estabelese sentru votasaun hamutuk 92 no estasaun votu 110 iha postu lima.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here