Kandidatura Prezidente Repúblika periudu 2022-2027, Tito da Costa Cristovão "Lere Anan Timur". Imajen Tatoli/Francisco Sony

LAUTÉM, 19 marsu 2022 (TATOLI)—Kandidatu Prezidente Repúblika (PR) independente ba períodu 2022-2027, ho númeru sorteiu 08, Tito da Costa Cristóvão ‘Lere Anan Timur’, manán votu maioria 616, hosi totál votu válidu 664 iha suku Caenlio, postu administrativu Iliomar, munisípiu Lautém.

Suku Caenlio iha sentru votasaun ida no paralelu ida, ne’ebé eleitór ohin ezerse sira-nia direitu votu iha fatin rua.

“Ohin, ita-nia eleitór hosi suku ne’ebé ezerse sira-nia direitu votu ba Eleisaun Prezidensiál 2022, rezultadu votasaun hatudu Kandidatu Prezidente Repúblika ho sorteiu númeru 08 mak hetan votu másimu hamutuk 616,” Xefe suku Caenlio, Julião Soares, hateten ba Agência TATOLI, iha sede suku Caenlio, hafoin rona rezultadu votu, sábadu ne’e.

Notísia relevante: Lere iha esperansa boot manán iha Eleisaun Prezidensiál

Nune’e, kandidatura seluk ne’ebé hetan votu iha suku ne’e, tuir mai mak hanesan Mariano Asanami ho votu 20, José Ramos Horta ho votu 15, Armanda Berta dos Santos sia ho votu 6, Maria Ângela Freitas da Silva ho votu 1, Isabel da Costa Ferreira ho votu 1, enkuantu kandidatura seluk la hetan votu.

Aleinde ne’e, iha votu nulu lima, branku 0, rejeita 1.

Eleitór 664 ne’e kompostu hosi aldeia lima hanesan, Caidavalarin, Larimi, Liufalun, Maluhira no Titiravein.

Rezultadu ne’e fó sai hafoin votatante sira ezerse sira-nia direitu votu, hahú hosi tuku 07:00 to’o tuku 15:00, no ekipa Sekretariadu Tékniku Administrasaun Eleitorál (STAE) hahú sura votu iha tuku 16:00 no fó sai rezultadu iha tuku 17:00.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here