Kandidata Prezidente Repúblika, ho númeru sorteiu 3, Maria Ângela Freitas. Imajen/Hortencio Sanchez

DILI, 19 marsu 2022 (TATOLI) – Kandidata Prezidente Repúblika (PR) ho númeru sorteiu, Maria Ângela Freitas, hateten nia parte respeita povu nia desizaun liuhosi eleisaun prezidensiál.

“Ha’u eleitu ou la eleitu importante liu mak tenke hola parte iha demokratizasaun, la eleitu mós nafatin sidadaun sira mak termina ita tenke respeita sira nia desizaun,” Ângela Freitas hateten ba Agência TATOLI iha sentru votasaun Bairru-Formosa-Dili, sábadu ne’e.

Notísia relevante: Martinho Gusmão husu kandidatu sira respeita povu nia desizaun

Kandidata Independente ne’e husu atu sidadaun hotu atu mantein nafatin pás no estabilidade atu povu hotu bele moris ho seguru atu povu bele ezerse nia direitu iha festa demokrásia.

Maske, Ângela dehan la sai hanesan Prezidente Repúblika, maibé sei nafatin fó kontribuisaun ba Timor-Leste ni dezenvolvimentu hosi meiu saida de’it.

Kandidata ne’e sente triste tanba eleisaun ne’e organiza iha tempu badak halo sidadaun barak mak la konsege ezerse sira nia votu.

“Ha’u triste mak eleisaun ne’e ita hala’o iha tempu ne’ebé badak halo ita nia sidadaun barak labele vota no lakon sira nia votu iha festa demokrásia,” nia afirma.

Husu mós ba kandidatura ne’ebé mak eleitu tenke haree ba povu nia moris no halo tuir de’it konstituisaun ne’ebé vigora ona hodi foti desizaun ruma.

Kandidatura ne’e ezerse nia votu iha sentru votasaun Formosa iha tuku 09:20 otl. Iha sentru votasaun ne’e sidadaun sira partisipa másimu no hetan seguransa másimu hosi Polísia Nasionál Timor-Leste (PNTL).

Notísia relevante: Lú Olo fiar metin manán iha primeira volta

Jornalista: Hortencio Sanchez

Editór:      Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here