DILI, 17 marsu 2022 (TATOLI)—Primeiru Ministru (PM), Taur Matan Ruak, hateten prosesu halo remodelasaun ba membru VIII membru Governu Konstitusionál ne’e na’in-haat nia naran mak tama iha lista remodelasaun ne’e.
Notísia Relevante: PM propoin ezonerasaun Sekretáriu Estadu Oan Soru ba Prezidente Repúblika
“Emprínsipiu na’in-haat hanesan ne’e karik, maibé hau seidauk definitivamente. Kuandu toma pose ita-boot sira (jornalista) sei hatene na’in-hira,” Xefe Governu dehan ba jornalista sira hafoin ramata hala’o enkontru ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, Dili, kinta ne’e.
PM la esplika detallu menbru Governu ne’ebé tama lista remodelasaun ne’e sé-sé no hosi partidu ne’ebé no razaun saida mak presiza remodela, nune’e husu atu akompaña de’it prosesu tuir mai.
“Ida ne’e to’o tempu ita sira (jornalista) sei hatene la’ós asuntu ida subar tomada pose ne’ebé prosesu ida sei naruk bainhira to’o sei partilla,” nia dehan,
Notísia Relevante: Kondisaun saúde, Ministru Justisa Manuel Cárceres husu lisensa ba PM
Jornalista : Nelson de Sousa
Editór : Cancio Ximenes
