Prezidente Komisaun Nasionál Eleisaun (CNE), José Agostinho da Costa Belo Embaixadór Japaun Iha Timor-Leste,Kinfuchi Masami hamutuk ho Reprezentante Rezidente UNDP iha Timor-Leste, Munkhtuya Altangerel Lansamentu Instalasaun Sentru Apuramentu Nasional ho Plataforma Dizital. iha salaun cne, Díli, kuarta (04/02). Imajen Tatoli /Egas Cristovão

DILI, 17 marsu 2022 (TATOLI)—Komisaun Nasionál Eleisaun (CNE, sigla portugés) hamutuk ho Porgama Nasaun Unida ba Dezenvovlivmentu (UNDP-sigla inglés), kinta ne’e ofisialmente halo lansamentu ba Sentru Tabulasaun Nasionál no Plataforma Transformasaun Dijitál iha edifísiu CNE Dili.

Embaixadór Japaun iha Timor-Leste, Masami Kinefuchi, hateten estabelesimentu Sentru Tabulasaun Nasionál no Plataforma Transformasaun Dijitál ne’e hodi bele kobre prosesu eleisaun prezidensiál 2022.

Prezidente Komisaun Nasionál Eleisaun (CNE), José Agostinho da Costa Belo Embaixadór Japaun Iha Timor-Leste,Kinfuchi Masami hamutuk ho Reprezentante Rezidente UNDP iha Timor-Leste, Munkhtuya Altangerel Lansamentu Instalasaun Sentru Apuramentu Nasional ho Plataforma Dizital. iha salaun cne, Díli, kuarta (04/02). Imajen Tatoli /Egas Cristovão.

“Eleisaun presidensiál ida-ne’e mak eleisaun primeiru ne’ebé implementa iha pandemia COVID-19 nin-laran no presiza situasuan diferensa sira hodi responde ba situasaun pandemia ne’e. Konsidera ida-ne’e, Japaun deside ona hodi oferese apoiu espesiál ba eleisaun reziliente COVID-19 nian liuhosi kolaborasaun ho PNUD uza finansiamentu miliaun $4 husi osan kontribuisaun taxa povu Japones sira-nian,” Embaixadór Japaun hateten iha ámbitu lanasamentu Sentru Tabulasaun Nasionál ba jornalista sira.

Lansamentu ba CNE nia Sentru Apuramentu Nasionál no Plataforma Dijitál ka website ne’ebé mak kobre prosesu tomak hosi Eleisaun Presidensiál ida-ne’e hodi fó asisténsia inklui mós desenvolvimentu software espesiál ne’ebé mak finansia ho osan miliaun 4$ no komputadór foun 10.

“Sistema ho teknolojia modernu ida-ne’e sei sai instrumentu úniku no presiza ba ema hotu hodi hetan informasaun atualizadu kona-ba eleisaun no medida kontra COVID-19 iha estasaun sira, nune’e mós rezultadu hosi eleisaun bainhira kontajen votu la’o hela,” nia hateten.

Japaun apoiu Governu Timor-Leste liuhosi projetu ne’e atu hala’o eleisaun ne’ebé informadu, inkluzivu no reziliente ba COVID-19 liu-liu ba eleisaun prezidensiál iha loron 19 marsu 2022.

Eleisaun prezidensiál 2022 ne’e hala’o iha situasaun COVID-19 nia-laran ne’ebé mak diferensa tebes ho eleisaun sira uluk nian, tanba situsaun COVID ne’e muda hosi loron ba loron entaun informasaun ne’e tenke akuradu no loos, nun’ee mós importnate atu elemina risku no prevene saúde no vida eleitór sira-nian no pesoál sira iha sentru votasaun.

Reprezentante UNDP iha Timor-Leste, Munkhtuya Altagerel, hateten Sentru Tabulasuan no Plataforma Transformasaun Dijitál ne’e atu dezenvolve tanba ita iha kooperasaun ho UNDP COVID Resilient Elections in Timor-Leste (CORE-TL) ho objetivu atu eleva koñesimentu komponente jestór eleitorál sira-nian hodi transmite informasaun eleitorál ho efisiente no efikas iha tempu eleisaun ne’ebé sei akontese iha loron 19 marsu 2022.

Prezidente Komisaun Nasionál Eleisaun (CNE), José Agostinho da Costa Belo Embaixadór Japaun Iha Timor-Leste,Kinfuchi Masami hamutuk ho Reprezentante Rezidente UNDP iha Timor-Leste, Munkhtuya Altangerel Lansamentu Instalasaun Sentru Apuramentu Nasional ho Plataforma Dizital. iha salaun cne, Díli, kuarta (04/02). Imajen Tatoli /Egas Cristovão

“Objetivu hosi estabelesementu Plataforma Transformasaun Dijitál foun ne’e hodi hasa’e númeru partisipasaun sidadaun to’o 10.000 ba leten hodi asesu informasaun ne’ebé loos no prevensaun COVID-19 nian. Tanba eleisaun agora akontese iha situsaun COVID-19 nune’e tenke iha efetividade komunikasaun ne’e prioridade tebes ba eleisaun, ita tenke garantia atu fornese informasaun ne’ebé sufisiente ba elitór no funsionáriu sira atu prevene COVID-19,” nia dehan.

Sentru Tabulasaun Nasionál no Plataforma Transformasaun Dijitál ne’e signifikativu tebes ba sistema ida-ne’ebe halo sidadaun hotu bele asesu ba informasaun importante sira kona-ba eleisaun no COVID-19 nian.

Prezidente CNE, José Agostinho da Costa Belo, hateten materiál ne’ebé mak apoiu hosi UNDP no povu Japaun atu bele fasilita CNE nia Tabulasaun Nasionál nian ba eleisaun prezidensiál 2022.

“Tanba ita hein rezultadu hosi munisípiu sira bainhira to’o mai iha ne’e entaun oinsá mak atu asegura no transparantemente ema hotu tenke hatene, ita-nia websita iha ona. Ita komesa muda inovasaun foun atu povu sira bele sente rezultadu ho responsabilidade,” nia dehan.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here