Diretór Servisu Munisipál Edukasaun Baucau, Augusto Ornai Ximenes. Imajen Tatoli/Natalino Belo.

BAUCAU, 11 marsu 2022 (TATOLI) – Kondisaun estrada impkatu hosi udan impede transportasaun materiál konstrusaun ba eskola lima iha postu admistrativu tolu iha munisípiu Baucau.

Eskola lima refere iha postu administrativu Baguia kompostu hosi Eskola báziku Sentrál (EBC, sigla portugés) Osso-huna ne’ebé sei reabilita sala aula neen ho tótal orsamentu hamutuk $84.264,57.

Nune’e mós Eskola Báziku Filiál (EBF) Ufulari, suku Uacala sei konstrui sala aula tolu ni sintina ida ho tótal orsamentu $106.630,32 no EBF Gulari, suku sei konstrui sala aula tolu no edifísiu profesór ida ho orsamentu hamutuk $89.797,83.

Iha postu administrativu Quelicai EBF Abolir, suku Abo sei konstrui sala uala tolu ho orsamentu hamutuk $75.117,25 no postu Laga EBF Lalabu’,  suku Sagadati sei konstrui sala aula tolu inklui sintina ida ho orsamentu $109.705,08.

“Tanba estrada sa’e ba rai dodok ne’ebé difikulta transporta besi, simentu, rai-henek susar tanba ne’e udan para, rai-maran oituan mak bele,” Diretór Servisu Munisipál Edukasaun, Augostu Ornai Ximenes, ko’alia iha Vila Nova, sesta ne’e.

Ministériu Edukasaun Juventude no Deportu (MEJD) liuhosi diresaun nasionál parke eskolár deside fó toleránsia tempu projetu ba grupu komunitária sira-ne’ebé resposabiliza relasiona ho konstrusaun no reabilitasun eskola hirak-ne’e.

Augosto hatutaun, eskola 24 seluk daudaun ne’e hahú ona Projetu Konstrusaun Rehabilitasaun Eskolár (PKRE) tanba orsamentu pursentu 25 no grupu sira foti ona hosi banku no eskola balun hahú transporta materiál konstrusaun, balun hadi’a fondasi, estaka no besi.

“Espera komunindade sira-ne’ebé hetan fiar kaer projeitu ne’e hala’o ho di’ak tuir matadalan PKRE no BOQ nian nune’e ita fiar bainhira projetu eskola 29 iha Baucau susesu hotu posibilidade tinan oin hetan tán,” Augosto akresenta.

Ho orsamentu ba PKRE bele mos fó bebefísiu direitamenta ba komunidade sira iha baze, liuliu atu rekupera sira-nia kondisaun ekonomia uma-laran.

Entretantu, tótal alokasaun orsamentu programa PKRE ba eskola 29 iha Baucau hamutuk hotu $3.001.683,69 ne’ebé kada eskola sei halo konstrusaun no reabilita edifísiu, sala aula, laboratóriu inklui sintina.

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here