Primeiru Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (09/03). Imajen TATOLI/Francisco Sony

DILI, 09 marsu 2022 (TATOLI)—Governu liuhosi reuniaun Konsellu Ministru (KM), iha kuarta ne’e, delibera aseita konvite  atu partisipa iha espozisaun munidiál tinan 2025, ne’ebé sei realiza iha Osaka,  Japaun, iha marsu no novembru 2025.

“Inisiativa ne’e bazeia ba projetu ne’ebé prezenta hosi Ministru Turizmu Komérsiu no Indústria, José Lucas do Carmo da Silva,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun Ezekutivu, iha Palásiu Governu.

Portavóz Governu dehan, partisipasaun Timor-Leste nian iha sertame ida-ne’e sai hanesan oportunidade di’ak hodi promove relasaun bilaterál komersiál sira no kooperasaun entre Timor-Leste no Japaun, hanesan ba projetu distintivu nasionál sira iha Ázia no iha mundu.

Ligadu ho ne’e, Ministériu Turizmu Komérsiu no Indústria (MTKI) hahú halo preparasaun sira hodi antisipa tinan hirak tuir mai molok partisipa iha eventu.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here