Ponte ho Jardín B.J. Habibie iha faze finál. Imajen/ Osória A. Marques

DILI, 07 marsu 2022 (TATOLI)—Adjuntu Prezidente Autoridade Munisípiu Dili (AMD), António Moniz Calau, informa tuir planu tinan ne’e AMD sei rekruta pesoál atu hamoos jardin no seguransa ba jardin sira iha kapitál Dili hamutuk 200-resin.

“Tinan ne’e, ita iha planu rua mak ita sei rekruta ita-nia pesoál sira ba servisu iha jardin no ita mós sei rekruta ita-nia pesoál sira atu tau seguransa iha jardin sira. Daudaun ne’e prosesu hela, ita hein katak iha fulan abríl ne’e ita bele koloka ona ita-nia ema sira-ne’e ba iha jardin atu halo limpeza no tau seguransa iha ne’ebá,” António Moniz Calau hateten ba Agência Tatoli, iha nia knaar-fatin, Dili, segunda ne’e.

Autoridade Munisípiu Dili (AMD) rekruta pesoál hamoos no seguransa jardin nian ema 200-resin ne’e, sei koloka iha jardin sira iha kapitál Díli hanesan iha Cristo Rei, Largo Lecidere, Jardin Motael, jardin 05 de Maio, Rotunda Comoro no jardin Prezidente BJ Habibie,” nia dehan.

Kona-ba orsamentu ba rekrutamentu, Adjuntu Prezidente Autoridade Munisípiu Dili ne’e lakohi fó komentáriu.

Entretantu, Orsamentu Jerál Estadu (OJE) 2022 inisiál ba Autoridade Munisípiu Dili hamutuk $648.524, nune’e aumenta ba $335.520 no dotasaun finál hamutuk $984.044.

Notísia Relevante: OJE 2022, Munisípiu Dili husu adisionál millaun $13,5

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here