Kandidatu Prezidente Repúblika ho númeru sorteiu 10, Antero Bendito da Silva. Imajen Tatoli/Celestina Teles.

COVALIMA, 06 marsu 2022 (TATOLI)–Kandidatu Prezidente Repúblika ho númeru sorteiu 10, Antero Benedito da Silva, hateten se povu fó fiar ba nia sai Xefe Estadu mak nia sei prpoin ba Governu atu fó prioridade ba setor agrikultura hodi hasa’e produsaun no turizmu iha rai-laran.

Kandidatu Prezidente Repúblika ho númeru sorteiu 10, Antero Bendito da Silva. Imajen Tatoli/Celestina Teles.

“Agrikultura hanesan preokupasaun iha Timor laran tomak kona-ba prosaun ai-han indústria agrikultura no kreativu ne’ebé Governu laiha investimentu ba área industria kreativu ne’ebe bele transforma produtu agrikultura sai fali produtu ne’ebé ita bele rai kle’ur,” Antero Benedito da Silva hateten ba jornalista sira hafoin hala’o kampaña ho tipu diálogu, iha aldeia Loro, suku Suai postu administrativu Suai Vila, munisípiu Covalima, domingu ne’e.

Kandidatu ho númeru sorteiu 10 ne’e hateten, produtu ne’ebe rai kleur liu hanesan povu agrikultura sira prodús pateka maibé pateka la transforma ba jus, entaun pateka bele dodok hotu hanesan mós iha produtu sira seluk.

“Ohin ami ko’alia iha grupu balun iha Fakuldade Téknika iha Universidade Timor Lorosa’e (UNTL) ne’ebé trasforma tua-mutin ba tua-sabu, ha’u hanoin industria ida-ne’e mak sira sei kontinua halo iha ne’e,” nia hateten.

Atu dezenvolve industria sira-ne’e, Estadu tenke prevee orsamentu ba setór agriultura maibé tenke haree ba projetu hirak ne’e molok Estadu hanoin, nune’e Uniaun Agrikultura Suai Covalima (UNARCO) bele hahú hala’o ona.

Kandidatu Prezidente Repúblika ho númeru sorteiu 10, Antero Bendito da Silva, hala’o kampaña tipu diálogu iha suku Suai Loro-Covalima. Imajen Tatoli/Celestina Teles.

Aleinde prioridade ba agrikultura, sei fó prioridade ba área turizmu atu atrai turista sira mai vizta iha Covalima maibé turista sira vizita hanesan projetu ida, tanba ohin loron modelu turizmu ne’ebé la’o iha mundu ne’e, turizmu ekolojiku hanesan fatin sira istóriku sai fatin ne’ebé atrai ema bele vizita la’ós eis prizaun de’it maibé reinu Camanasa revolta kontra portugés 1719.

Atu halibur istória sira-ne’e, estudante sira ajuda komunidade Suai Loro atu halibur istória hirak ne’e tanba ohin loron sira sei mantein sira nia kultura tenke halo investimentu.

Koordenadór ekipa susesu Munisípiu Covalima, Cipriano Menezes afirma, nia parte sei servisu makaas hodi lori kandidatura prezidente repúblika ho númeru sorteiu 10 ba iha Palásiu Prezidente Bairru Pite hodi haree povu agriklutra sira-nia moris.

“Ita ukun an tinan 20-resin ona maibé ita seidauk valoriza másimu ita-nia to’os-na’in sira atu fó subsídiu hodi bele valoriza ita-nia to’os-na’in sira, nune’e ba futuru labele dependénsia ba produtu hosi rai-li’ur,” nia dehan.

Iha komísiu ne’e hetan supervizaun hosi Komisaun Nasionál Eleisaun, Provedoria Direitu Umanu no Justisa (PDHJ) no obervadór internasionál hodi haree prosesu kampaña ne’e la’o inklui CNE hodi bele fó susesu ba iha kampaña tinan ida-ne’e.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here