Kandidatu Prezidente Repúblika ho númeru sorteiu 4, Rogério Tiago de Fátima Lobato. Imajen/espesiál

ERMERA, 02 marsu 2022 (TATOLI)—Kandidatu Prezidente Repúblika ho númeru sorteiu 4, Rogério Tiago de Fátima Lobato, kansela kampaña dahuluk ho tipu aberta iha kapital Ermera, Gleno, relasiona ho loron kuarta feira sinzas, ne’ebé komunidade ba tuir misa.

“ohin, ami la konsege kampaña tanba loron kuarta feira sinzas no komunidade presiza ba misa hodi simu sinzas, nune’e ami adia fali ba loron 04 marsu iha munisípiu Ermera,”  Kandidatu PR Rogério Lobato, hateten  ba Agência TATOLI via telefónika, kuarta ne’e.

Nune’e, ekipa susesu husi kandidatu númeru sorteiu 4, Mateus Maia de Jesus informa mós kansela kampaña dahuluk ho tipu aberta iha Gleno tanba komunidade la preparadu.

“Ami halo kanselamentu tanba komunidade la prepara no ohin, loron kuarta feira sinzas entaun ami muda ba loron 04 marsu, tuku 10:00, dader, iha salaun parokiál Gleno Ermera,” Mateus informa.

Tuir kalendariu kampaña ne’ebé distribui husi CNE kandidatu PR númeru sorteiu 4 sei halo kampaña aberta iha munisípiu Ermera ohin dader tuku 10:00 to’o tuku 18:00, lokoraik.

Notísia relevante: Kandidatu PR Ângela Freitas kansela kampaña loron dahuluk iha Lautém

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here