Dadus evolusaun surtu COVID-19 iha Timor-Leste, hahú hosi loron 22 marsu 2020 to’o 02 marsu 2022. Imejen/MS

DILI, 02 marsu 2022 (TATOLI)Ministériu Saúde, kuarta ne’e, relata kazu COVID-19 ne’ebé rejista óbitu ida, pozitivu 16, rekuperadu 47 no kazu ativu 371.

“Pasiente mane ida hanesan sidadaun brazileiru, hela iha Otél Timor Plaza, tama izolamentu Lahane iha loron 23 fevereiru, ho teste pozitivu COVID-19, hakotu iis iha 09:00 dader, no matebian antes ne’e vasina kompleta doze,” Koordenadora Jerál Surtu COVID-19 iha Ministériu Saúde (MS), Odete da Silva Viegas, relata liuhosi nota ne’ebé Agência TATOLI asesu.

Notísia relavante: COVID-19: kazu detetadu pozitivu 23 no ativu 403

Nune’e, hahú hosi loron 21 marsu 2020 to’o 02 marsu 2022, iha kumulativu kazu konfirmadu 22.732 no mate 129.

Hosi horiseik to’o ohin, Laboratóriu Nasionál Saúde halo teste Polymerase Chain Reaction (PCR) hamutuk 420, kompostu hosi vijilánsia sentinela rua 55, rastreiu ba kontaktu 45, rastreiu aleatóriu 279, viajen internasionál 23, no follow up iha kuarentena 18.

Aleinde ne’e, totál PCR ne’ebé halo iha loron 01 marsu 2022 iha munisípiu sira seluk, Rejiaun Administrativa Espesiál Oé-cusse Ambeno (RAEOA) no Hospital Nasional Guido Valadares (HNGV) hamutuk 103, kompostu hosi Baucau 11, Ermera laiha, Bobonaro sia, Viqueque laiha, Maubisse laiha, RAEOA laiha, Covalima laiha, Lautem laiha, Manufahi laiha, HNGV 83 no Vera Cruz laiha.

Populasaun elijível ho idade 18 ba leten ne’ebé simu ona vasina to’o iha loron 02 marsu 2022, tuir sistema informasaun saúde, hanesan kumulativu doze dahuluk iha Dili 88,4% no kumulativu doze daruak 83%.

Enkuantu, sidadaun iha territóriu nasionál ne’ebé simu ona vasina doze dahuluk iha 84,7% no simu ona doze daruak 71,9%.

Hosi insidénsia COVID-19 iha Timor-Leste durantre loron hitu ikus mak 2,2/100 mill abitante.

Iha loron 02 marsu 2022, izolamentu Vera Cruz, Lahane, HNGV, no fatin sira seluk iha territóriu laran tomak, halo tratamentu ospitalizadu ba kazu detetadu pozitivu rua, baixa ho COVID-19 ida no baixa COVID-19 ninian ida ho sintoma leve.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here