Pessoa Eminente g7+, Kay Rala Xanana Gusmão. Imajen TATOLI António Dasiparu

DILI, 28 fevreiru 2022 (TATOLI)– Pessoa Eminente Nasaun Frájil ka nasaun sira hosi post-konflitu g7+, Kay Rala Xanana Gusmão husu ba líder mundiál-sria atu hala’o diálogu konstrutivu no aberta hodi hapara funu entre nasaun Rúsia ho Ukráina.

Sekertáriu Jerál g7+, Helder da Costa, informa Xanana Gusmão hanesan pesoál eminente g7+ haruka ona karta hodi bolu atensaun ba komunidade internasionál kona-bá situasaun iha Ukránia.

Sekretáriu Jerál g7+, Helder da Costa. Imajen/ Egas Cristovão

“Karta ne’ebé maun Xanana hato’o ba komunidade internasionál hanesan bolu atensaun atu respeita povu iha Ukrania no husu Russia labele halo invazaun ilegál ba Ukrania,” Seketáriu Jerál, hateten ba jornalista-sira iha rezidénsia Primeiru Ministru Taur Matan Ruak, Faról-Dili, segunda ne’e.

Xanana Gusmão halo karta ne’e hanesan pesoál eminante g7+ ne’ebé hadomi pás, nune’e hakerek direta karta ba komunidade internasionál no karta ne’e fó mós ba Primeiru Ministru, Taur Matan Ruak.

“Karta ne’ebé maun Xanana halo ne’e hatudu ita nia preokupasaun tanba ita nuudar ema umanu iha mundu haree ba invazaun ne’ebé akontese ilegál ne’e,” nia karesenta.

Karta deklarasaun kona-ba Ukraina

Nasaun Frájil, iha konflitu no pos-konflitu sira ne’ebé hamahon an iha g7+, lamenta tebes ho akontesimentu iha Ukránia.

Karta Pessoa Eminente Xanana Gusmao. imajen/espesial

“Ami akompaña hela dezenvolvimentu husi akontesimentu trájiku ida ne’e. Ami haree katak komunidade internasional ho líderes mundial sira, em vez de halo esforsu atu promove diálogu konstrutivu, sira hatudu preparativus militares ba funu,” refere karta ne’e.

Karta hosi pesosa eminente g7+ ne’e hatutan: “Ami kondena invazaun Russia ba Ukrania. Invazaun ida ne’e fó hanoin hikas fali mai ita kona-bá invazaun iha Afganistaun iha 2001 no iha Iraque 2003.

g7+ observa katak nasaun Osidentál sira faan kilat ba nasaun sub-dezenvolvidu nia laran ne’ebé rezulta ba labarik inosente sira mate iha fatin sira hanesan Yemen no fatin sira seluk.

“Ami sempre deklara katak milliaun refujiadu sira iha Europa ne’e rezultadu husi konflitu ne’ebé promovidu husi nasaun Osidente ba nasaun sub-dezenvolvidu,” deklara karta ne’e.

Depois hetan estatutu observador permanente iha Nasaun Unida, ami suporta Sekretáiu Jerál ONU nia apelu hodi imediatamente halo cesar do fogu (Ceasefire) iha Ukrania.

Ba  nasaun 20 ne’ebé frajil no afetadu husi konflitu no pos-konflitu, husi g7+, ami haree ho triste boot, maibé ho esperansa katak lídere mundiál sira bele foti lisaun ida ne’e hodi bele muda sira nia polítika kona-ba nasaun sub-dezenvolvidu.

“Ami apela ba diágu abertu no konstrutivu hodi hakotu sofrimentu ne’ebé povu Ukrania hetan. Líder mundiál tenke tau ses sira nia interesse estratéjiku no hegemónico no fó oportunidade ba Pás no hasa’e interese povu sira ne’ebé mak sofre hela.

Nune’e, g7+ hakarak sai lian ba ema sira ne’ebé lian laek. Tanba ne’e mak ami halo deklarasaun ida ne’e ho konfiansa boot katak ami-nia lian sira sei rona.

Jornalsta: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here