Diretora PNDS Baucau, Amélia Maria Viegas. Imajen Tatoli/Natalino Belo.

BAUCAU, 28 fevereiru 2022 (TATOLI) – Programa Nasionál Dezenvolvementu Suku (PNDS) munisípiu Baucau, sei hahú lansamentu programa Uma Kbiit Laek (UKL) faze daruak iha fulan-abríl tinan ne’e.

Diretora PNDS Baucau, Amélia Maria Viegas, hateten, prosesu verifikasaun ba benefisiáriu hahú ona iha fulan-janeiru no konklui ona suku 33.

“Tuir planu, lansamentu fatuk dahuluk ba UKL faze daruak nian sei realiza iha fulan-abríl,” Diretóra PNDS Baucau, ko’alia iha Vila Nova, segunda ne’e.

Suku ne’ebé seidauk konklui verifikasaun mak iha postu Baguia, Kelikai, Laga, Venilale no Baucau Vila hamutuk tótal suku 26 tanba limitasaun rekursu iha baze ne’ebé natoon no la kondis ho volume projetu.

Totál funsionáriu ne’ebé destaka iha servisu PNDS Baucau hamutuk na’in-53, dezloka iha kada postu administrativu hanesan Quelicai kompostu tekníku na’in-tolu no finansa na’in-tolu. Enkuantu postu administrativu lima seluk destaka ema na’in-haat.

Amélia esplika, iha Laga no Vemasse destaka funsionáriu na’in-haat, kobre suku hitu nune’e tenke fahe kada ema-ida akompañia no verifika iha suku ida.

Autoridade munisipál Baucau hetan alokasaun orsamentu hosi programa UKL hamutuk tokon $ 1,802,000, hosi tótal ne’e finansia ba aktividads fíziku hamutuk tokon $1,734,000 ba suku 34 no despeza operasional rihun $68,000.

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here