Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 23 fevereiru 2022 (TATOLI) – Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten Órgaun Eleitorál fó formasaun ba Brigadista hamutuk 1.191 hodi garante eleisaun prezidensiál ho susesu.

“STAE fó ona formasaun ba brigadista sira hamutuk 1.191 no ohin loron ikus ba atividade formasaun“, Acilino Branco ba Tatoli iha nia kna´ar fatin, ohin.

Objetivu hosi formasaun ba Brigadista sira mak oinsa atu hasae koñesimentu, imparsialidade, onestidade hodi garante eleisaun prezidensiál 2022 ho susesu.

“Formasaun ne’e ita hahú ona iha segunda, 01,/02 no ohin ne’e ultimo dia. Maibé Rejiaun Administrativa Espesiál Oé-cusse Ambeno (RAEOA) mak aban 24/02 foin remata tanba ita komesa iha tersa horiseik 22/02”, haktuir.

Kona-ba matéria, nia esplika, iha formasaun ne’e sira hetan matéria kona-ba regulamentu, prosesu eleisaun nian no prosesu kontajen bulletin votu, prepara rekursu sira-ne’e atu hasoru eleisaun tinan-ne’e, nune’e bele aumenta kapasidade iha rekursu ne’ebé di’ak, kualifikadu no adekuadu atu bele organiza eleisaun ne’e ho di’ak no responsabilidade tuir lei ne’ebé mak hateten.

Nia lembra katak kompeténsia ne’ebé atribui ba brigadista sira bazea ba lei númeru 15/2021, 14 jullu no sesta alterasaun lei númeru 7/2006, 28 dezembru kona-ba Lei Eleitorál Prezidente Repúblika, define kna’ar brigadista sira-nian hodi lidera prosesu tomak iha sentru votasaun.

Jornalista : Osória Marques

Editór : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here