Médiku iha iha Palásiu Prezidensiál prepara vasina Booster Pfizer iha seringa hodi fasilta Prezidente Repúblika, Francisco Guterres ‘Lú-Olo’ simu vasina doze datoluk. Imajen/Mídia PR.

DILI, 23  fevereiru 2022  (TATOLI)— Ministériu Saúde  relata, kazu  óbitu ida, detetadu pozitivu foun 43, rekuperadu  78 no kazu ativu 901.

“Kazu óbitu ne’ebé relata ohin loron 23  fevereiru 2022 na’in-ida, feto ho idade 50 hosi Munisípiu Bobonaro, tuir informasaun matebian tama iha emerjénsia iha 18 fevereiru 2022. ho Dx: DM Type 2 + COVID-19. CT 17,2. matebian seidauk vasina no hakotu iis iha tuku 06:15am OTL,” refere nota ne’ebé Agência TATOLI asesu, kuarta ne’e.

Notísia Relevante: COVID-19: kazu detetadu pozitivu na’in-79 no ativu 937

Kazu detetadu foun  ohin 43, rekuperadu 78 no  ativu 901. Nune’e, hahú 21 marsu 2020 to’o 23 fevereiru 2022  iha kumulativu kazu konfirmadu 22.528 no óbitu 126.

Hosi horisehik mai ohin, Laboratóriu Nasionál Saúde halo teste PCR 423,  kompostu vijilánsia sentinela lima, rastreiu ba kontaku 175, rastreiu aleatóriu 146, viájen internasionál 86,  follow up iha kuarentena 11.

Alende ne’e, totál teste PCR ne’ebé halo iha 22 fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 160 hanesan Maubisse 14, Maliana 14, Viqueque laiha, Suai 11, Baucau 17, Ermera laiha, RAEOA  11, HNGV 93,  Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 23 fevereiru  2022  , tuir sistema informasaun Saúde iha Ministériu Saúde, hanesan kumulativu 1ª doze iha Dili (88,3%) no kumulativu 2ª doze iha Dili (82,9%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 71,7 %.

Hosi insidénsia COVID-19 iha Timor-Leste, durante loron hitu ikus maka 5,2/100 mil abitante.

Iha loron  23, fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 24 , baixa ho COVID-19  hamutuk 22.No baixa tanba COVID-19 na’in rua ho sintomas moderado.

Notísia Relevante: Feto ida mate ho COVID-19 iha Maliana

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here