Embaisadór Japaun no UNICEF sibolikamente entrega kareta frizer 3 no motor 4 inklui forklip 1 ba SAMES. Iha resinto SAMES, kinta (17/02). Imajen Tatoli/Francisco Sony

DILI, 17 fevereiru 2022 (TATOLI)— Governu Japaun liuhosi Organizasaun Nasaun Unida ba Fundu Labarik (UNICEF-sigla inglés) apoia veíkulu refrijeradór unidade tolu no jeleira tolu ba Minsitériu Saúde atu rai vasina COVID-19.

Karreta malirin ka Veíkulu Refrijeradór hamutuk tolu no Zeleira tolu ne’e apoiu husi Governu Japaun liuhusi UNICEF Timor-Leste ba MS liuliu Servisu Autónomu Medikamentu no Ekipamentu Saúde (SAMES) atu rai vasina COVID-19 bainhira transporta rejiaun sira.

Embaixadór Japaun iha Timor-Leste, Masami Kinefuchi. Imajen TATOLI/Francisco Sony

“Ba tempu ida nee, ami apoia finanseiru mak millaun $1,2. Apoia finanseiru ida ne’e inklui ba estabelesimentu ba sala malirin sira iha armazenametu rejionál sira, nomós oferese karreta malirin no seluk-seluk tan,” Embaixadór Japaun iha Timo-Leste, Masami Kinefuchi, hateten iha armazein SAMES-Kampu-Alór.

Iha biban hanesan, Reprezentante UNICEF iha Timor-Leste, Ainhoa Jaureguibeitia, dehan UNICEF kontinua ajuda no suporta Ministériu Saúde no SAMES hodi hasa’e kapasidade lojísitiku no kapasidade korente malirin iha nivél nasionál no sub nasionál, armazein vasina no distribuisaun. treinamentu ba professionál saúde no tékniku sira no suporta mós monitorizisaum no supervisaun.

Reprezentante UNICEF iha Timor-Leste, Ainhhoa Jaureguibeitin. Imajen Tatoli/Francisco Sony

“Hakarak hato’o ha’u nia agradesimentu ba Governu Japaun ba servisu parseria ho UNICEF hodi suporta sistema korente malirin iha Timor-Leste, espesialmente ba fornesementu karreta refrigerador hirak ne’e, ne’ebé ami ohin loron ofisialmente entrega no konstrusaun ba armazenamentu iha armazein rejionál iha RAEOA, Ainaro, Baucau, no Bobonaro,” nia akresenta  

Kuartu Refrigerador ho ninia assesória sira ne’ebe sei instala iha armazein rejonál haat ne’ebé krítiku essensiál hodi armazena vasina ho seguru no distribuisaun  iha kuálker tempu ba iha munisípiu hotu no mós ba unidade fasilidade saúde hotu.

Governu agradese

Vise-Ministru, Bonifacio Maucoli  espresa sentidu no profundu gratidaun ba apoia no kooperasaun kontinua ne’ebé fornese husi Governu Japaun, apoiu ida-ne’e nu’udar sentidu solidariedade atu haforsa, hametin no mellora sistema nasionál saúde partikularmente hamutuk atu kombate pandemia covid-19-19 iha Timor-Leste.

Vise-Ministru Saúde, Bonifácio Maucoli dos Reis. Imajen Tatoli/Francisco Sony

“Ministériu Saúde mós apresia tebes ba apoiu jenerosidade ne’ebé povo Japaun fornese no responde ba iha surtu COVID-19 ba aprovizionamentu karreta malirin, jeleira boot no ki’ik hodi tau iha armazein rejionál sira hanesan Baucau, Ainaro no Maliana atu hasa’e kapasidade iha nível sub-nasio alin hodi kontribui ba iha melloramentu no hasa kapasidade sistema saúde nian,” Vise agradese.

Veíkulu refrigerador hirak ne’ebé fornese ba Servisu Autónomu Medikamentu no  Ekipamentu Saúde (SAMES) ajuda tebes hodi mellora servisu distribuisaun ho di’ak no lais liu to’o iha armazein rejionál no fasilidade saúde sira hotu.

Iha parte seluk, MS rekoñese tebes Unicef no parseiru sira hotu nia kontribusaun no asisténsia hodi responde ba surtu COVID 19 liuliu ba iha kampaña vasinasaun ba labarik idade eskola no la eskola ho vasina Pfizer, no ba ema boot idade tinan 18 ba leten ho vasina AstraZeneca no Sinovac.

Timor-Leste atinje ona kobertura vasinasaun COVID-19 to’o ona 84.4% ba iha primeira doze no 71.4% ba iha segunda doze.

Nune’e mós, labarik ho idade tinan 12 to’o menus husi tinan 18 hamutuk 37,651 mak simu ona primeira doze ba vasina Pfizer no labarik 30.221 ho idade hanesan maka simu ona vasina Pfizer ba doze dalaruak nian ka kompleta ona doze primeiru no doze segundu iha munisipiu Dili. Ne’e hatudu katak kontibuisaun liuhusi vasina bele hamenus risku ba transmizaun no bele hasa’e imunidade komunitaria ka Herd Immunity.

“Hau haksolok tebes atu informa ba ita hotu katak ministériu saúde agora dadauk hala’o hela expansaun ba kampaña vasinasaun Pfizer ba labarik husi idade tinan 12 ba leten ba iha munsípiu 11 inklui RAEO. Ohin loron, Munisipiu Liquisa hahú ona lansamentu ba kampaña vasinasaun ba vasina Pfizer. Ministériu saúde halo ona revizaun no atualiza Planu Nasional Implementasaun Vasina COVlD-19 lngles dehan NDVP atu refleta ba expansaun vasinasaun COVID-19 ba idade menus husi tinan 18”.

SAMES iha kapasidade hodi bele armazena vasina Pfizer pelumenus ho doze 400,000 iha refrigerador ultra malirin iha momentu saida de’it, ministériu saúde simu ona primeira faze ho quantidade 259,760 doze husi totál 1,26 millõens ne’ebé hola ho orsamentu DFAT liu husi Unicef.

Vise mós apela ba estrutura SAMES iha nível nasionál no rejionál atu tau matan ba fasilidade no ekipamentus sira hotu ne’ebé ohin simu, nune’e bele utiliza iha tempu naruk nia laran hodi responde ba pandemia COVID-19 no hasa’e kobertura ba vasina iha Timor-Leste laran tomak nune’e bele hasses husi moras ne’e.

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here