Diretór STAE Covalima, Francisco Gusmão. Imajen Tatoli /Celestina Teles.

COVALIMA, 09 fevereiru 2022 (TATOLI)–Diretór Sekretariadu Tékniku Administrasaun Eleitorál (STAE) Covalima, Francisco Gusmão, informa iha prosesu resensiamentu eleitorál durante ne’e STAE Covalima rejista sidadaun na’in-11 dupla kartaun Eleitorál.

Notísia Relevante: STAE Covalima identifika sentru votasaun provizóriu 80 no estasaun 92

“Ita laiha sansaun atu aplika ba sidadaun sira-ne’ebé mak dupla kartaun eleitorál maibé ita elimina de’it númeru kartaun eleitorál, nune’e sidadaun labele dupla kartaun eleitorál,” Diretór STAE Covalima ne’e hateten ba Agência Tatoli, iha nia knar fatin Kampung Baru, kuarta ne’e.

Sidadaun na’in-11 ne’ebé dupla kartaun eleitorál ne’e, tanba hasai kartaun bazea ba unidade jeografika munisípiu Covalima no mós hasai tan kartaun eleitorál iha unidade jeografika seluk ho númeru kartaun eleitorál la hanesan.

“Ita-nia sidadaun hosi munisípiu Covalima bainhira Estuda iha Dili maibé sidadaun la atualiza sira-nia dadus hodi hasai kartaun eleitorál foun, nune’e ita kategória dupla kartaun eleitorál. Hafoin STAE identifika, ita elimina de’it númeru eleitorál ida,” nia esplika.

Kona-ba lei ruma atu kondena sidadaun sira-ne’ebé iha dupla kartaun eleitorál, nia parte seidauk hatene tanba lei resensimentu eleitorál artigu 65 alinea 2 hateten sidadaun sira atu hetan de’it kartaun eleitorál ida, no la ko’alia kona-ba sidadaun sira dupla kartaun, entaun nia sansaun mak elimina de’it kartaun eleitoral,

Dadus provizoriu STAE rejista ona eleitór provizóriu hamutuk 47,961 ne’ebé kompostu hosi mane 24,522 no feto hamutuk 23,439.

Notísia Relevante: Rezultadu sinkronizasaun dadus eleitór iha territóriu nasionál-diáspora 864.754

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here