Médiku sira iha Sentru Saude Vera-Cruz halo hela atendementu ba labarik sira ne’ebé hetan moras dengue, Kuarta 9/2/2022. Imajen Tatoli/Antonio Dasiparu

DILI, 09 fevereiru 2022 (TATOLI)— Vise Minsitru Saúde, Bonifacio Maucoli dos Reis hateten, Sentru Internamentu Vera-Cruz fó alta ona pasiente dengue ne’ebé rekuperadu hamutuk 700-resin.

“Pasiente ne’ebé mak dauadun baixa iha vera kruz ne’e hamutuk 115 tanba durante Sentru Internamentu Vera -Cruz estabelese fó ona alta ona pasiente dengue hamutuk 700-resin tanba rekuperadu,” Vise Minsitru Maucoli, informa ba jornalista bainhira vizita Sentru Internamentu Vera-Cruz, kuarta ne’e.

Notísia relevante:  Dengue ‘domina’ kapitál Dili no hamate labarik na’in-29

Labarik na’in-115 ne’ebé baixa, nia dehan médiku sira kontinua esforsu maka’as hodi fó tratamentu, atu pasiente hirak ne’e bele rekupera hosi surtu ne’e.

Iha fatin biban hanesan, Reprezentante Koordenadór Jerál iha Sentru Saúde Internamentu Vera-Cruz, José Adão Exposto, hateten, kapasidade teste raan ba surtu dengue kada loron ema na’in-25, maibé pasiente baixa ne’e 100-resin entaun presiza tan kapasidade laboratóriu.

“Ami hakarak aumenta  kapasidade laboratóriu tanba  daudaun ne’e la to’o, nune’e amostra balun ami tenke transfere ba Hospitál Nasionál Guido Valadares hafoin fó sai rezultadu. Tanba ne’e Ministériu Saúde presiza ajuda no suporta ekipamentu sira ne’e,” nia informa.

Daudaun, Profisionál Saúde sufisiente atu halo atendimentu ba pasiente dengue, maski médiku ida atende ema na’in-15 to’o ka 20, maibé nafatin iha kualidade atendimentu.

Dengue kontinua halo tratamentu iha Vera-Cruz

MS hahu prepara fasilidade iha Izolamentu Tasi-Tolu ba pasiente covid-19, Kuarta 9/2/2022. Imajen Tatoli/Antonio Dasiparu

Vise MS Maucoli informa, pasiente dengue nafatin kontinua halo tratamentu iha Vera-Cruz tanba pasiente COVID-19 mak sei kontinua halo tratamentu iha izolamentu Tasi-Tolu.

“Kazu dengue ita nafatin halo tratamentu iha Vera-Cruz, Formoza no Hospitál Nasionál Guido Valadares no kazu COVID-19 mak ita halo tratamentu iha Tasi-Tolu tanba kazu asintomátiku haruka sira halo auto-izolamentu iha uma no pasiente ne’ebé mak iha sintomatiku mak ita halo tratamentu iha Tasi-Tolu. Pasiente dengue kontinua nafatin iha Vera-Cruz tanba pasiente sira presiza oksijéniu no asesibilidade,” nia afirma.

Governante ne’e dehan bainhira lori tiha pasiente ba Tasi-Tolu mak grave atu transfereba iha HNGV presiza lori tempu, nune’e pasiente dengue nafatin mantein iha Vera-Cruz.

Nune’e, Nia apela ba populasaun iha territóriu nasionál liuliu iha kapitál Dili atu kontinua halo limpeza atu hamoos uma laran hodi prevene an hosi surtu dengue.

“Ministériu Saúde halo nafatin asaun fumigasaun no fahe aimoruk abate ba iha área risku sira atu nune’e bele redús moras dengue iha munisípiu Dil,” nia afirma.

Tuir dadus hosi Diresaun Nasionál Saúde Públika liuliu Departamentu Vijilánsia Epidemolojia iha Ministériu Saúde, hahú fulan-janeiru   to’o horisehik pasiente dengue sa’e ba 1.799 hosi númeru ne’e na’in 29 mak mate.

Notísia relevante:  Surtu dengue: númeru pasiente 1.705 no óbitu na’in-28

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here