Deputadu Joaquim Dos Santos, Imajen Tatoli/Antonio Goncalves.

DILI, 04 janeiru 2022 (TATOLI) – Komisaun A trata asuntu Justisa no Konstituisionál, finaliza ona relatóriu no paresér proposta lei Funsaun Públika no haruka ona  ba meza Prezidente Parlamentu Nasionál.

“Relatóriu ita aprova no haruka ona ba meza Parlamentu atubele ajenda ba diskusaun iha jeneralidade,” Prezidente Komisaun A, Deputadu Joaquim dos Santos, informa ba ba Agência Tatoli iha Parlamentu Nasionál, sesta ne’e.

Deputadu Joaquim, esplika substánsia proposta lei ne’e mai hosi Governu atu halo alterasaun ba artigu10 ne’ebé ko’alia kona-ba kompeténsia Komisaun Funsaun Públika (KFP) ho alterasaun atu retira tiha kompeténsia Parlamentu nian hodi fó fali kompeténsia ba  KFP atu halo lejizlasaun ba matéria dekretu balun kompeténsia KFP nian, entaun lei tenke autoriza.

“Governu konsidera kompeténsia atu halo dekretu ba funsaun balun hosi funsaun públika ninian ne’ebé iha sira-nia kompeténsia tenke retira hosi Parlamentu nia kompeténsia atu halo lejizlasaun ba dekretu kona-ba kompeténsia funsaun públika ninian,” nia hateten.

Maibé matéria alterasaun ne’e sei deskute kle’an iha espesialidade bainhira deputadu hotu-hotu konkorda bele atribui ba Governu.

“Tanba proposta ne’e iha dezentendimentu entre Governu ho Deputadu maibé matéria ne’e sei iha espesialidade mak sei haree. Tanba tuir kompreensaun Governu katak funsaun públika hola parte iha administrasaun indireita Estadu, ne’ebé sira mak atu halo lejizlasaun, ita haree mós iha aspetu balun katak kompeténsia lejizlasaun bele mós kabe ba Parlamentu,” nia akresenta.

Tanba ne’e mak Parlamentu bele prodús lei hodi regula estatutu ida-ne’e maibé Governu hakarak retira fali hosi kompeténsia Parlamentu nian.

“Iha diskusaun espesialidade mak ita haree, liuliu natureza ho kompeténsia  Komisaun Funsaun Públika nian tenke regula didi’ak hodi labele sai fali hanesan organizasaun ida-ne’ebé eziste laiha forsa atu halo mudansa ba serbisu,” Prezidente Komisaun A ne’e fundamenta.

Notisia relevante: PN baixa proposta-lei Komisaun Funsaun Públika ba Komisaun A

Jornalista         : Nelson de Sousa

Editór               : Evaristo Soares Martins 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here