Médiku sira prepara vasina doze datoluk Pfizer Booster. Iha salaun Ministériu Saúde, loron (04/01). Imajen Tatoli/Francisco Sony

DILI, 04 fevereiru 2022  (TATOLI)—Ministériu Saúde relata, ohin,  kazu detetadu foun 63, rekuperadu tolu no kazu ativu 369.

”Kazu detetadu foun ohin  63, rekuperadu  tolu no  ativu 369,” Diretora Jerál Prestasaun Saúde iha Ministériu Saúde,  Odete da Silva Viegas, hateten liuhosi nota ne’ebé Agência TATOLI asesu sesta ne’e.

Nune’e, hahú 21 marsu 2020 to’o 04 fevereiru 2022  iha kumulativu kazu konfirmadu 20240  no óbitu 122.

Hosi horisehik mai ohin, Laboratóriu Nasionál Saúde halo teste PCR 293 kompostu vijilánsia sentinela 20, rastreiu ba kontaku  130, rastreiu aleatóriu 110, viájen internasionál 23  follow up iha kuarentena 10.

Alende ne’e, totál teste PCR ne’ebé halo iha 03 fevereiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 225 hanesan Maubisse laiha,Maliana 24, Viqueque laiha,Suai haat, Baucau 18, Ermera hitu  RAeEOA 35, HNGV 137  Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 04 fevereiru  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,0%) no kumulativu 2ª doze iha Dili (82,3%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,2% no simu ona doze daruak 70,9%.

Hosi insidénsia COVID-19 iha Timor-Leste, durante loron hitu ikus maka 3,1/100 mil abitante,

Iha loron  04 fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 14, grave ida, moderadu tolu no kaman 10.

Notísia Relevante: COVID-19: kazu detetadu pozitivu 41 no ativu 309

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here