Pesoál médiku sira kontinua halo atendementu vasina Pfizer Covid-19 ba estudante sira iha sentru saúde Comoro. Imajen TATOLI/Antonio Dasiparu

DILI, 02 fevereiru 2022 (TATOLI)— Ministériu Saúde (MS), kuarta ne’e, relata kazu detetadu pozitivu foun hamutuk-31, rekuperadu laiha no kazu ativu na’in-268.

”Kazu detetadu foun ohin 31, rekuperadu laiha no ativu na’in-268,” Diretora Jerál Prestasaun Saúde iha Ministériu Saúde, Odete da Silva Viegas , hateten liuhosi nota ne’ebé Agência TATOLI asesu, kuarta  ne’e.

Notísia relevante: COVID-19: kazu detetadu foun 159 no ativu 237

Nune’e, hahú 21 marsu 2020 to’o 02 fevereiru 2022 iha kumulativu kazu konfirmadu 20.136 no óbitu 122.

Hosi horisehik mai ohin, Laboratóriu Nasionál Saúde halo teste PCR 93 kompostu vijilánsia sentinela 25, rastreiu ba kontaku 22, rastreiu aleatóriu 25, viájen internasionál 19, follow up iha kuarentena na’in-rua.

Alende ne’e, totál teste PCR ne’ebé halo iha 01 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 81 hanesan Maubisse laiha, Maliana neen, Viqueque laiha, Suai 12, Baucau ida, Ermera laiha, RAEOA laiha, HNGV 62, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 02 fevereiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,9%) no kumulativu 2ª doze iha Dili (82,3%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,2% no simu ona doze daruak 70,8%.

Hosi insidénsia COVID-19 iha Timor-Leste, durante loron hitu ikus maka 2,8/100 mil abitante,

Iha loron 02 fevereiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu neen, moderadu rua, no kaman haat.

Notísia Relevante: Timor Leste rejista kazu konfirmadu variante Omicron na’in-rua

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here