Ministru Koordenadór Asuntu Ekonómiku (MKAE), Joaquim Amaral. Imajen TATOLI/Francisco Sony

DILI, 24 janeiru 2022 (TATOLI)–Delegasaun Timor-Leste sei partisipa iha fórum negósiu non petróleu iha ámbitu Expo Dubai, iha loron 24 fevereiru 2022.

Tuir Ministru Koordenadór Asuntu Ekonómiku (MKAE), Joaquim Amaral, daudaun seidauk iha lista fixu delegasaun hosi Timor-Leste, maibé ekipa xave sira mak hanesan Autoridade Expo Dubai, Manuel Vong no Diretór Ezekutivu TradeInvest, Arcanjo da Silva.

“Ami prepara daudaun atu arranka bá Dubai. Delegasaun Timor-Leste sei sai hosi Dili iha loron 22 fevereiru, maibé ami seidauk deside delegasaun ne’e kompostu hosi sé de’it, maibé konserteza katak Prezidente Autoridade Expo no Diretór Ezekutivu TradeInvest ne’ebé responsável ba fórum negósiu ne’e hanesan pesoál xave sira,” Ministru Joaquim relata hafoin reuniaun ho Primeiru-Ministru, Taur Matan Ruak, iha Palásiu Governu, segunda ne’e.

Iha eventu internasionál ne’e, Timor-Leste sei aproveita másima atu projeta potensialidade sira ne’ebé iha hodi atrai investidór sira.

“Fórum negósiu ne’e atu partilla ba investór sira hodi koñese poténsia saida mak Timor-Leste iha, nune’e kuandu sira interese bele hatama iha sira-nia ajenda hodi deside halo investimentu,” nia akresenta.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here