Ekipa CVTL halo fomigasaun ba atuasaun kazu dengue iha bairo Kampu Paru Dili, loron sabadu (22/01). Imajen Tatoli/Francisco Sony

DILI, 22 janeiru 2022 (TATOLI)— Ministériu Saúde (MS) liuhosi Diresaun Nasionál Saúde Públika, Departamentu Vizilánsia Epidemolojia, rejista iha meadu janeiru ne’e hamutuk 713, hosi númeru ne’e na’in-16 mak mate.

“Situasaun kazu dengue iha Timor-Leste, ohin (22/01) kazu dengue hamutuk 713 no kumulativu óbitu na’in-16,” refere nota ne’ebé Agência TATOLI asesu,sábadu ne’e.

Maioria kazu ne’e deteta hosi Munisípiu Dili ho totál 506, Baucau iha kazu 32, Manatuto ho kazu 32, Covalima ho kazu 30, Ermera ho kazu 55, Manufahi ho kazu 32, Viqueque kazu haat, Ainaro ho kazu haat, Liquiça iha kazu tolu, Aileu nain-ida no Bobonaro iha kazu na’in-14.

Nune’e, kazu óbito hosi tinan 2020 ho totál 10, iha tinan 2021 ho totál óbitu 11 no iha semana dahuluk janeiru 2022 iha ona óbitu na’in-ida ne’ebé relata hosi Dili no iha semana datoluk relata kazu óbitu na’in-haat, hosi Ermera na’in-ida hosi Ainaro, na’in-ida hosi Bobonaro no na’in-rua hosi Covalima no ohin, munisípiu Dili iha óbitu na’in-hitu, nune’e totál Case Fatality Rate nivél nasionál ho 2,2%.

Munisípiu Dili nafatin rejista kazu ne’ebé a’as iha semana dahuluk no semana datoluk iha janeiru ne’e ho totál kazu 466, kompostu hosi posto administrativo Dom Alexo Relata kazu totál 252, Cristo Rei ho kazu 98, Vera-Cruz ho totál kazu 77 no Nain-Feto ho totál kazu 76.

Too ohin loron fasilidade saúde iha munisípiu Dili hanesan Hospitál Nasionál Guido Valadares (HNGV) rejista ona kazu dengue hamutuk 139, kompostu KlÍnika Fatumeta na’in-73, Sentru Saúde Comoro na’in-111, Sentru Saúde Vera-Cruz 47, Sentru Saúde Formoza 80, Sentru Saúde Becora 48, Sentru Saúde Metinaru na’in-haat, Klínika Bairru-Pité na’in-rua no Klínika Motael na’in-ida.

Nune’e, Ministériu Saúde apela ba populasaun iha Dili laran no mós iha Munisípiu sira seluk atu aprezenta-an iha fasilidade públiku saúde (Sentru Saúde ka Ospitál) ne’ebé besik, bainhira sente isin-manas ka Senti laran sa’e, liman ain no sikun moras hodi bele hetan atendimentu husi profisionál saúde sira.

Apela mós ba autoridade Munisipál no autoridade lokál iha Dili laran no mós iha munisípiu sira atubele orienta komunidade halo limpeja jerál iha suku no bairru sira.

Hamoos Sasan ka limpeza hanesan roda at, bazu aifunan atu susuk labele tau tolun, haloot ropa ho diak iha ita nia uma laran, uza ropa ne’ebé liman naruk karik toba iha tempu loron, uza aimoruk hanesan repelente ka autan, uza muskitéru karik toba iha tempu loron, soe lixu iha nia fatin.

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here