Xefe Estadu Maiór Jenerál F-FDTL, Tenente Jenerál Lere Anan Timur. Imajen TATOLI/António ‘Dasiparu’ Gonçalves.

DILI, 14 janeiru 2022 (TATOLI)—Xefe Estadu Maiór Jenerál Falentil Forsa Defeza Timor-Leste (F-FDTL), Tenente Jenerál Lere Anan Timur, informa ba Prezidente Repúblika Francisco Guterres Lú Olo katak nia hakarak atu reforma hosi instituisaun F-FDTL.

Notísia Relevante: Governu propoin nomea veteranu ida tan ba Brigadeiru Jenerál F-FDTL

“Ha’u-nia dever mak tenke serbí Estadu ne’ebé durante fó ona durante tinan 50. No, agora idade  to’o ona 70 no ha’u-nia direitu atu pasa ba vida sivíl,” Tenente Jenerál Lere Anan Timur hateten ba jornalista sira hafoin ramata hala’o enkontru ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, Dili, sesta ne’e.

Karik atu reforma tanba de’it atu kandidatán nu’udar Prezidente Repúblika iha eleisaun prezidensiál 2022 ne’e, Lere Anan Timor hateten atu atu kandidatu ka la kandidatu an ne’e ninia direitu atu hili.

“Atu kandidatu ka lae ne’e nu’udar sidadaun iha direitu no devér, maibé idade to’o ona atu sai ba vida sivíl,” nia dehan.

Veteranu tinan 24 ne’e hateten, ohin loron ko’alia kona-ba lei no estatutu maibé kuandu halo funu iha rezisténsia nia parte no hanesan mós ho maluk balun ne’ebé sei moris no mate ona, la halo rekerementu ruma ba ema ida atu ba halo funu livre vontade ba nasaun sai indepedente.

Lere apela ba veteranu sira reklama sira-nia direitu ho família nia direitu ho livre atu labele sobu nasaun, no bainhira nia reforma ba vida sivil karik fatin ne’ebé nia okupa ba ne’e labele mamuk.

“Tanba ne’e, ha’u agora livre hakarak sai naran fatin ne’ebé ha’u tuur ba ne’e labele mamuk. Entaun, ha’u sai ha’u-nia vise avansa fila-fali hodi komanda, nune’e reklamasaun no direitu hakarak sai reforma ka demisaun lais no labele sobu nasaun no la halo tauk instabiliza instituisaun ida-ne’e mak importante,” Lere Anan Timur hateten.

Tenente Jenerál Lere Anan Timur asume mandatu lidera F-FDTL durante tinan haat hahú hosi 2015 to’o 2019, hafoin prolonga ka estende tan ba períodu ida tán to’o tinan ualu (8) hodi hala’o ninia mandatu to’o fevereiru 2022 ne’e.

Kona-ba reforma, iha novo estatuto dos militares das FALINTIK-Forças de Defesa de Timor-Leste, iha artigu 207 (Reforma) haktuir;

Iha alinea 1 hateten; Reforma é a situação para que transita o militar, no ativo ou na reserva, que seja abrangido pelo disposto no artigo 225.º e seguintes.

Aliena 2 haktuir; O militar na reforma não pode exercer funções militares, salvo nas circunstâncias excecionais previstas neste Estatuto.

Nune’e mós iha artigu 225 (Reforma extraordinária” hateten; Passa à situação de reforma em consequência de acidente em serviço ou doença profissional o militar que:

  1. a) Independentemente do tempo de serviço militar, seja julgado física ou psiquicamente incapaz para o serviço mediante parecer da junta médica, homologado pelo CEMGFA, nos casos em que a incapacidade for resultante de acidente ocorrido em serviço ou doença adquirida ou agravada em serviço, ou por motivo do mesmo;
  2. b) Opte pela colocação nesta situação quando se verifique a circunstância prevista na alínea b) do n.º 1 do artigo 213.º;
  3. c) Seja abrangido por outras condições estabelecidas na lei.

Notísia Relevante: Lere Kontinua Prontu Serbí Estadu

Jonalista :  Nelson de Sousa

Editór     : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here