Estudante Sekundáriu Eskola 04 Setembru tuir ezame nasionál, iha Viqueque villa, segunda (13/12). Imajen TATOLI/Vitorino Lopes da Costa

DILI, 12 janeiru 2022 (TATOLI)–Ministériu Edukasaun Juventude no Desportu (MEJD) deside adia oráriu atu konklui prosesu korresaun pontu ezame nasionál ba fali loron 18 janeiru 2022 tanba fallansu tékniku.

Data loloos atu konklui prosesu korresaun pontu ezame nasionál maka loron 14 janeiru, maibé abertura ba korresaun ne’e tarde, entaun labele konklui iha data ne’ebé termina ona.

“Ita tenke simu realidade tanba halo abertura maka tarde, ne’ebé ita tenke adia. Maibé ha’u hanoin la sai problema boot ida tanba loron adia ne’e mós la dook ida,” Diretór Jerál Administrasaun no Finansa MEJD, Antoninho Pires, hateten ba Agência TATOLI iha ninia knaar fatin, Villa verde, kuarta ne’e.

Tuir planu, korresaun pontu ezame nasionál ne’e fulan-ida, maibé depende ba loron ne’ebé realiza seremónia.

“Ministériu hili abertura iha loron 17 dezembru 2021, entaun sei konklui tuir fulan no loron ne’ebé termina ona, ne’ebé prosesu hotu kuandu konklui ona iha loron 18 janeiru depende ba ministru nia desizaun, kuandu nia hakarak fó sai kedan ka hein tempu maka fó sai rezultadu ne’e depende, naran katak prosesu hotu sei konklui iha fulan ne’e,” nia akresenta.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here