Diretór Jerál Floresta, Kafé no Planta Industriál hosi MAP, Raimundo Mau. Imajen TATOLI/Natalino Costa

DILI, 12 janeiru 2022 (TATOLI)–Ministériu Agrikultura no Peska (MAP) liuhosi Direasaun Jerál Floresta, Kafé no Planta Indústria (DGFCPI, sigla portugés) kada tinan prevee orsamentu $500.000 liuhosi programa Dezenvolvimentu Floresta Komunitária hodi halo revitalizasaun ba ai-kameli, ai-indústria ba no vária espésie.

“Orsamentu ne’ebé MAP preve halo revitalizasaun ba plantasaun desde tinan 2017, ita iha programa Dezenvolvimentu Floresta Komunitária, ne’ebé kada tinan ita aloka $500.000 ba de’it dezenvolvimentu ai-industria, ai-kameli, ai-saria no seluk tan,” Diretór Jerál Floresta Kafé no Planta Indústria, Raimundo Mau, hateten, ba Agência TATOLI, iha nina knaar fatin, Caicoli, kuarta ne’e.

Hosi orsamentu ne’e, ekipa téknika MAP ba kuda iha rai ektare 50, ne’ebé kada tinan posilibilidade sei aumenta plantasaun.

“Nune’e, hosi orsamentu ba programa Dezenvolvimentu Floresta Komunitária halo depózitu ba udan-been hodi bele utiliza filafali tempu bailoron,” nia akresenta.

Nune’e, MAP konsege aumenta fasilidade hanesan karreta distribui bee-moos unidade rua ho medida mili litru 5, hodi apoiu ba área sira ne’ebé sai investimentu floresta hanesan iha suku Haik, postu administrativu Lacluta, munisípiu Viqueque iha rai ektare 200, postu administrativu Zumalai, Covalima iha ektare 100 no postu administrativu Atabae, Bobonaro inklui iha área sira seluk, ne’ebé sai sentru inspasaun ba plantasaun kafe, hanesan Ermera, Aileu no Letefoho.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here