Osan Dolar Amérika. Imajen/Espesiál

ERMERA,11 janeiru 2022 (TATOLI)— Komandante Polísia Nasionál Timor-Leste (PNTL) ba Munisípiu Ermera, Superintendente Polísia Ludgério Lay, informa durante tinan 2021, konsege rekolla reseita ho montante $9.300 ba konfre Estadu.

“Ami rekolla reseita ne’e hosi motorista sira ne’ebé komete infrasaun ba regra tránzitu hamutuk 50, nune’e ami aplika koema ba sira, nune’e iha tinan 2021, ami kotribui reseita hamutuk $9.300,” Komandante Munisípiu Ermera, hateten ba Jornalista sira iha eskudra Ermera, tersa ne’e

Aleinde ne’e, Superintendente Polísia, akresenta durante 2021 komandu PNTL munisípiu Ermera rejista kazu asidente tráfegu hamutuk 32.

“Iha 2021, ami rejiata kazu asidente trafigu 32, entre kazu sira ne’e, grave rua no restu ne’e kazu kaman,” Komandante ne’e informa.

Kazu asidente tráfegu iha tinan 2021 ne’e tuun kompara tinan sira liubá tanba menus ona hosi 100.

Nune’e, Komandante ne’e husu nafatin ba motorista sira tenke lori transporte liuliu  motór no karreta tenke kumpre lei  seguransa rodaviáriu nian atubele redus asidente tráfegu.

“Ami komandu munisípiu mós kontinua halo sensibilizasaun informsaun lei Seguransa rodaviáriu ba ita nian komunidade sira atu konsensioliza karik atu kondús transporte tenke kuidadu an no kumpre regra rodaviáriu,” nia enkoraja.

Komandu PNTL munisípiu Ermera ne’e  mós informa, iha 2021 rejista mós insidente hamutuk 278,  hosi númeru ne’e domina liu maka kazu ofensa integridade fíziku no  violénsia doméstika iha hamutuk 70 no kazu sira  ne’e balun submete ona Ministériu Públiku atu prosesa tuir  lei. 

Jornalista: Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here