Pesoál Médiku sira kontinua halo atendementu vasina Pfizer Covid-19 ba estudante sira iha Sentru Saúde Comoro Dili 7/11/2022. Imajen TATOLI/Antonio Dasiparu

DILI, 10 janeiru 2022 (TATOLI)— Ministériu Saúde (MS), relata, segunda ne’e, kazu detetadu pozitivu foun  rua, rekuperadu laiha no kazu ativu na’in-23

”Kazu detetadu foun, ohin ema na’in rua, rekuperadu  laiha no  ativu na’in-23,” Diretora Jerál Prestasaun Saúde iha Ministériu Saúde,  Odete da Silva Viegas, hateten liuhosi nota ne’ebé Agência TATOLI asesu, segunda ne’e.

Nune’e, hahú 21 marsu 2020 to’o 10 janeiru 2022 iha kumulativu kazu konfirmadu 19.858 no óbitu 122.

Hosi horisehik mai ohin, Laboratóriu Nasionál Saúde halo teste PCR 29, kompostu vijilánsia sentinela laiha, rastreiu ba kontaku laiha, rastreiu aleatóriu rua, viájen internasionál 27,  follow up iha kuarentena laiha.

Alende ne’e, totál teste PCR ne’ebé halo iha 09 janeiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 59, hanesan Maubisse laiha, Maliana na’in-haat, Viqueque laiha, Suai na’in-12, Baucau laiha, Ermera laiha, RAEOA laiha, HNGV 43, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 10 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili 87,5% no kumulativu 2ª doze iha Dili 81,0%.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 83,6% no simu ona doze daruak 68,8%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron 10 janeiru 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha, moderadu laiha no kaman laiha.

Notísia Relevante: COVID-19: kazu detetadu pozitivu 11 no ativu na’in-20

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here