Empreza hamutuk 200-resin partisipa konferénsia previa ba lansamentu projetu eletrifikasaun pakote 44, iha salaun EDTL, E.P, Caicoli, sesta (07/01). imajen TATOLI/Arminda Fonseca

DILI, 07 janeiru 2022 (TATOLI)–Eletricidade de Timor-Leste, Empreza Públika (EDTL, E.P), sesta ne’e, halo konferénsia prévia hodi introdús projetu eletrifikasaun pakote 44 ba empreza hamutuk 200-resin ne’ebé iha interese aplika konkorre iha konkursu públiku.

Komisáriu Ezekutivu Servisu Tékniku EDTL, Latino Jerónimo, hateten, atividade ne’e hanesan sorumutu privadu ho empreza nasionál sira hodi hatene aplika ba konkursu dokumentasaun.

“Konferénsia previa ba lansamentu projetu eletrifikasaun pakote 44 ne’e hanesan prosesu ida-ne’ebé ita esplika ba empreza sira atu partisipa prosesu konkursu dokumentasaun, tanba tinan kotuk bainhira ita loke konkursu públiku iha empreza barak mak prinxe sala,” Komisáriu EDTL hateten, iha niniaa knaar fatin, Caicoli.

Notísia relevante: EDTL, E.P deside re-anunsia konkursu instala eletrisidade pakote 30

Nune’e, liuhosi sorumutuk privadu ne’e parte interesadu sira bele rona prosesu konkursu ho didi’ak, nune’e bainhira submete dokumnetu labele sala.

“Tanba dokumentu sira ne’ebé submete ita sei halo avaliasaun no labele iha falla hosi dokumentu, tenke tuir kritéria sira,” nia akresenta.

Nune’e, sei halo mós avaliasaun iha téknika servisu no esperénsia iha área konstrusaun liña média baixa tensaun, tenke iha evidénsia katak iha tékniku no ekipamentu, no kondisaun finanseira.

“Ita haree sira ne’ebé sai manan-na’in dahuluk no daruak mak loke nia presu iha públiku nia oin hotu, halo kombinasaun finál hosi avaliasaun téknika ho presu ikus mai públika manan-na’in hodi implmenta projetu 44,” nia dehan.

Antes ne’e iha tinan 2021, EDTL, E.P loke konkursu eletrifikasaun nasionál hamutuk pakote 30 iha suku 33, hosi totál suku 76 iha territóriu nasionál ne’ebé seidauk asesu, ne’ebé fatin balun hatudu ona rezultadu hanesan suku balun iha Viqueque ahi lakan ona.

“Entaun 44 kobre munisípiu hotu inklui aldeia sira, hanesan Lautém pakote 34 la tama tanba suku iha Lautém 100% asesu hotu ona eletrisidade maibé aldeia de’it mak seidauk entaun iha pakote ne’e aldeia rua hosi Lautém tama,” nia informa.

Maibé iha munisípiu seluk, suku barak mak seidauk asesu hanesan Manufahi no Maliana, nune’e sei foku uluk ba suku sira ne’ebé seidauk mak foin ba aldeia sira.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here