Médiku ida halo hela vasina doze datolu Pfizer Booster ba funsionáriu sira iha Ministériu Saúde. Iha salaun Ministériu Saúde, tersa (04/01). Imajen Tatoli/Francisco Sony

DILI, 05 janeiru 2022  (TATOLI)— Ministériu Saúde relata, ohin,  kazu detetadu foun  laiha, rekuperadu laiha no kazu ativu sia.

”Kazu detetadu foun ohin laiha no  ativu sia,” Diretora Jerál Prestasaun Saúde iha Ministériu Saúde,  Odete da Silva Viegas , hateten liuhosi nota ne’ebé Agência TATOLI asesu kuarta ne’e.

Notísia Relevante: PM orienta membru Governu hala’o kampaña vasinasaun iha territóriu nasionál

Nune’e, hahú 21 marsu 2020 to’o 05 janeiru 2022  iha kumulativu kazu konfirmadu 19.842 no óbitu 122.

Hosi horisehik mai ohin, Laboratóriu Nasionál Saúde halo teste PCR 44, kompostu vijilánsia sentinela laiha, rastreiu ba kontaku rua , rastreiu aleatóriu tolu , viájen internasionál 39, follow up iha kuarentena laiha.

Alende ne’e, totál teste PCR ne’ebé halo iha  04 janeiru 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 76, hanesan Maubisse neen, Maliana ualu, Viqueque laiha, Suai tolu, Baucau rua, Ermera laiha, RAEOA laiha, HNGV 57, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 03 janeiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,4%) no kumulativu 2ª doze iha Dili (80,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 83,5% no simu ona doze daruak 68,3%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  05 janeiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha, no kaman la iha.

Notísia Relevante: COVID-19: kazu detetadu pozitivu tolu no ativu 11

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here