Vasina Pfizer Covid-19.Imajen TATOLI/Antonio Gonclaves

DILI, 04 janeiru 2022 (TATOLI)— Tuir dadus hosi Ministériu Saúde kona-ba progresu imunizasaun COVID-19 ba sidadaun ho idade 12 no menus hosi 18 ne’ebé simu ona vasina Pfizer doze dahuluk hamutuk 35,481, ne’ebé ekivalente ho 19,5%.

Diretora Serbisu Saúde Munisípiu Dili, Agostinha Segurado. Imajen Tatoli/Francisco Sony

“To’o oras ne’e labarik estudante no la’ós estudante ho idade 12 no menus hosi 18 ne’ebé simu ona vasina Pfizer doze dahuluk hamutuk 35,481 ho 19,5%. Enkuantu simu ona vasina Pfizer doze kompletu ho 15,7% ho ema 28,974. Tanba ita nia tarjetu mak vasina estudante na’in-42.221, ne’ebé ita presiza tan na’in-4.000-resin atu kompleta tarjetu ne’e,” Diretora Servisu Saúde Munisípiu Dili, Agostinha Segurado, hateten ba jornalista sira iha Pálasiu Sinzas-Caicoli, kuarta ne’e.

Notísia relevante: COVID-19: kazu detetadu pozitivu tolu no ativu 11

Estudante ho idade 12 to’o 17 iha munisípiu Dili no munisípiu seluk simu ona vasina Pfizer hodi proteje ho efikásia 95% hosi infesaun sintomátika SARS-CoV-2.

Governu liuhosi Ministériu Saúde lansa ona vasina Pfizer doze dahuluk, hahú 27 outubru to’o novembru 19, hafoin 20 novembru tama ba doze daruak. Define doze daruak hosi vasina ne’e sei administra ho intervalu loron 21.

Tuir planu vasinasaun ne’e sei realiza iha eskola sira no ba alunu foin-sa’e 50.000-sira hosi 60 to’o 110 ano, hosi munisípiu pre selesionadu ne’ebé maka sei simu vasina ba dahuluk.

“Ita nia problema agora mak estudante sira ne’ebé mak la eskola tanba ita halo sosializasaun ba aldeia no suku hodi halo advokásia no lori mos vasina tama no sai uma, maibé númeru ne’e ladun boot. Nune’e ami kontinua esforsu atu atinje ka kompleta tarjetu 42.221,” nia akresenta.

Alende ne’e, SSMD mós hasoru difikuldade hala’o vasinasaun doze daruak tanba eskola sira sei feriadu.

“Ita iha problema vasina doze daruak no labarik 6.000-resin mak ita la konsege vasina tanba  hafoin exame nasionál iha kedas loron feriadu, maibé sei kontinua hafoin eskola hahú fali,” Diretora ne’e akresenta.

Notísia relevante: Progresu vasina Pfizer doze dahuluk atinje ona 19,5%

Jornalista : Felicidade Ximenes

Editór       : Florencio Miramda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here