Komandante Jerál PNTL, Komisáriu, Faustino da Costa fo posse ba Komandante Unidade Polisia Maritima, atual Inspetor Xefe Joao Cesario da Silva. Iha salaun komandu jerál PNTL, segunda (03/01) Imajen Tatoli/Egas Cristovão

DILI, 03 janeiru 2022 (TATOLI)— Komandu Jerál Polisia Nasionál Timor-Leste (PNTL), segunda (03/01), hasai ona desizaun hodi halo transferénsia  ka muda servisu ba Komandante munisípiu rua no komandante Unidade Polísia Maritima (UPM).

Komandante PNTL munsípiu ne’ebé mak hetan tranferénsia hosi Komandu Jerál PNTL hanesan, Komadante munisípiu Baucau foun kaer fali hosi Superintendente Polísia António Maria de Sá. Enkuantu Komadante sesante Superientidente Xefe Armando Monteiro asume fali kargu nuudar xefe relasaun públiku iha Komandu Jerál PNTL.

Komandante Jerál PNTL, Komisáriu, Faustino da Costa fo pose ba Komadante Munisipiu Bauau foun Superientidente Polisia Antonio Maria de S’a. Iha salaun komandu jerál PNTL, segunda (03/01) Imajen Tatoli/Egas Cristovão

Aleinde ne’e, Komandante PNTL Munisípiu Cowalima ne’ebé, assume fali hosi Asistente Superintendente Polísia Basilio de Jesus, hodi troka Superintendente Polísia António Maria de Sá.

Nune’e mós, Inspetór Xefe João Cesario da Silva asume fali kargu Komandante Unidade Polísia Marítima (UPM), hodi troka Asistente Superintendente Polisia, Basilio de Jesus.

Enkuantu, Superintendente Xefe Arnaldo de Araújo ne’ebé antes ne’e asume kargu hanesan Xefe Departementu Relasaun Públiku PNTL hetan fiar sai Xefe Departementu Relasaun Públiku Komandu Jerál PNTL nian. Tanba Xefe Departementu sesante atu frekuenta nia estudu Estadu Maiór iha Portugál.

Hafoin fó pose, Komandante Jerál PNTL, Komisáriu Faustino da Costa, hateten, tranferénsia ne’ebé Komandu Jerál halo ba komandante PNTL ne’e hanesan nesesidade institusaun.

“Ita hatene Komandante munisípiu Baucau sesante daudaun kondisaun moras, nune’e komandu deside transfere fali mai iha komandante jerál hodi nia bele halo tratamentu ba nia saúde. Tanba ita ko’alia komandante ne’e ema hotu nian, maibé saúde ne’e ema ida nian, tanba ne’e presiza tau atensaun,” Komisáriu Faustino, hateten iha ámbitu serimónia pose, iha kuartél Jerál PNTL, Caicoli, segunda ne’e.

Komandu PNTL agradese ba komandante munisípiu Baucau sesante, maski enfreta problema oin-oin, maibé durante mandatu konsege rezolve problema ne’ebé mosu iha ho di’ak.

Nune’e, Komandante Jerál ne’e husu Komandante PNTL munsípiu Baucau foun atu kontinua serbisu ne’ebé mak iha hodi garante seguransa no estabilidade ba komunidade Baucau.

Komandante Jerál PNTL, Komisáriu, Faustino da Costa hasai foto hamutuk fo posse ba Komadante Munisipiu Bauau foun Superientidente Polisia Antonio Maria de S’a. Iha salaun komandu jerál PNTL, segunda (03/01) Imajen Tatoli/Egas Cristovão

“Husu ba komandate sira ne’ebé mak, ohin simu fiar hosi komandu atu kontinua hatudu ita bo’ot sira nian profisionalizmu nune’e garantia pás no estabilidade iha komunidade sira nian leet,” Komisária Faustino rekomenda.

Kona-ba, Ispestór Xefe, João Cesario da Silva ne’ebé lidera Komandante UPM, Komisáriu Faustino konsidera la kontra lei orgánika PNTL no iha esperénsia kona-ba serbisu UPM nian.

“Ida ne’e nesesidade institusaun, tanba ita hatene Inspetór Xefe João Cesario da Silva, ema ne’ebé kleur iha Unidade Polísia Marítima dezde Saudozu Superintendente Polísia Lino Saldanha nia tempu mai to’o komandante Basilio nia tempu. Nune’e, Inspetór Xefe João iha ona koñesimentu ona, laiha problema ita tau konfiansa ba nia. Ha’u hanoin nomesaun la kontra lei orgánika PNTL,” nia akresenta.

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here