Ró-ahi Berlin-Ramelau atraka iha Portu Dili, sesta (10/12/2021). Imajen TATOLI/António Gonçalves

DILI, 03 janeiru 2022 (TATOLI)–Prezidente Konsellu Administrasaun Autoridade Portuáriu Timor-Leste (APORTIL), Flávio Cardoso Neves, hateten, ró-ahi Berlin-Ramelau daudaun ne’e labele halo viajen ba Ataúro tanba fatin atraka kiik.

“Ita-nia tékniku sira ba ona Ataúro no haree rasik katak portu iha Ataúro ne’e kiik loos no fatin la to’o ba ró-ahi Berlin-Ramelau para tanba ró ne’e ho medida boot,” Prezidente APORTIL hateten ba Agência TATOLI, iha ninia knaar fatin, Portu Dili, segunda ne’e.

Portu iha Ataúro bele atende ró-ahi ho medida hanesan Berlin Nakroma, ne’ebé ho naruk metru 47,25 no luan metru 12, enkuantu Berlin-Ramelau ho naruk metru 67,30 no luan metru 16.

Notísia relevante: Governu Alemaña ofisialmente entrega ró-ahi Berlin-Ramelau ba Timor-Leste

“Berlin-Ramelau nia prezensa loloos ne’e atu halo operasaun iha tasi parte súl hanesan Baucau, Lautém no Suai, maibé tanba iha loron boot ne’e laiha ró, entaun temporáriu halo operasaun bá Oé-cusse,” nia akresenta.

Haree ba ró-ahi ne’e bele de’it halo operasaun bá Oé-Cusse, Governu halo ona koordenasaun ho empreza sira hanesan Versado Shipping, náviu rápidu no Atauro Express atu nafatin garante konetividade via marítima, nune’e bele fasilita komunidade Ataúro hodi hein prosesu manutensaun ró-ahi Berlin Nakroma.

“Presu billete ne’ebé fó ba ita hahú hosi $10 to’o $15, kompara ho Berlin-Ramelau ne’ebé ho billete $4 de’it, maibé ita ko’alia ona ho empreza sira atu labele hasa’e liu folin billete durante ró Berlin Nakroma halo hela manutensaun,” nia tenik.

Jornalista : Arminda Fonsea

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here