Autoridade Seguransa Indonézia entrega suspeitu VftS ba Migrasaun Timor-Leste iha Batugade, iha sábadu (25/12). Imajen/SRP

DILI, 26 dezembru 2021 (TATOLI)—Autoridade Seguransa Indonézia, iha sábadu (25/12) deporta ona suspeitu mane ho inisiál VftS ho idade 33, hosi munisípiu Manatuto, ne’ebé deskonfia komete kazu insestu inklui omisídiu, no entrega ba Migrasaun Timor-Leste iha Batugade no Polísia Servisu Investigasaun Kriminál (PSIK).

Komandante Unidade Patrullamentu Fronteira (UPF), Superintidente Polísia Euclides Belo, hateten, suspeitu submete hela ba prosesu legál.

Suspeitu inisiál VftS kazu insestu-omisídiu. Imajen/SRP

“Suspeitu komete krime omisídiu, tenta halai bá Kupang, maibé autoridade seguransa Indonézia kaptura no entrega horiseik ba Servisu Migrasaun Fronteira inklui Polísia Servisu Investigasaun Kriminál nasionál hodi ba tuir prosesu  legál,” Komadante UPF, Superintendente Polísia Euclides Belo, hateten ba Agência TATOLI via telefónia, domingu ne’e.

Parte PSIK nasionál lori suspeitu  mai Dili hodi halo detensaun durante oras 72 molok tuir primeira interrogratóriu iha Tribunál.

Diretór Jerál Servisu Migrasaun, Superintendente Asistente Polísia Luís Barreto, deklara, desizaun Governu Indonézia entrega timor-oan ne’e bazeia ba kooperasaun di’ak entre país rua.

Iha sorin seluk, Portavóz Komandu PNTL, Superintendente Xefe Arnado de Araújo, seidauk simu informasaun hosi PSIK tanba ne’e sei halo koordenasaun di’ak.

“Sira kaptura ne’e relatóriu mai direita hosi Komadante Jerál PNTL, tanba ne’e ha’u seidauk iha informasaun klaru ba kestaun ne’e, maibé kuandu kompletu ha’u sei fó sai detallu aban,” nia dehan.

Hafoin Suspeitu halai sai hosi Timor-Leste bá Indonézia via terrestre liu dalan ilegál, Komandu Jerál Polísia Nasionál Timor-Leste (PNTL) liuhosi SIP (Servisu Informasaun Polísia) halo kedas koordenasaun intensivu ho Servisu Informasaun Polísia Indonézia Nusa Tenggara Timur (NTT) nian, ne’ebé menus hosi oras 72, suspeitu hetan kapturasaun iha rezidénsia familiar Kupang Timur, iha kinta (23/12), ne’ebe partense ba Polres Baubau.

VftS deskofia komete violasaun seksuál hasoru nia oan ho inisiál CeD, ho idade 11 no baku mate tan vitima, ne’ebé kazu ne’e akontese iha aldeia Moris-foun, suku Comoro, munisípiu Dili, iha loron 21 dezembru 2021.

Jornalista : Natalino Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here