Ambiente selebrasaun missa kalan Natál iha Igreja Katedrál Dili, sexta (24/12). Imajen Tatoli/Francisco Sony

DILI, 24 dezembru 2021 (TATOLI)- Arcebispo Metropolitana Dili, Dom Virgílio do Carmo da Silva, hateten, sai  ukun na’in  di’ak tenke hatene no atu serbí povu,  la’ós povu mak atu serbí fali  ukun na’in.

Arsebispu Arkidioseze Metropolitana Dili, Dom Virgílio do Carmo da Silva. Imajen Tatoli/Francisco Sony

“Uluk ne’e ema iha podér domíniu mak kaer ukun hodi uza forsa podér atu ema serbí sira maibé ho Natál ida ne’e Jesus moris mai atu muda estrutura valór  sira ne’e, katak se mak atu sai bo’ot  aprende halo aan ki’ik no atu serbí, ida ne’e mak sinál ukun loloos katak,  atu sai ukun nain  atu serbí, sai bo’ot atu serbí povu, la’ós povu mak atu serbí ita, maibe ita atu serbí povu,” Don Virgílio, hateten, iha nia omília misa Natál kalan iha Igreja Katedrál-Dili, sesta ohin.

Bispu Virgílio dehan, dala barak mosu situsaun sira hanesan ne’e iha mundu ohin loron, kuandu hetan ona podér ka hetan autóridade ida iha instituisaun iha ona podér hahú manda ema tuir nia hakarak.

“Maibé, ita sarani jesus hanorin ita atu iha poder ona atu serbí. Tanba ne’e mak Jesus iha tempu Natál ida ne’e konvida ita halo reflesaun ba hahalok sira hanesan ne’e,” Bispu fó hanoin.

Sarani sira hala’o selebrasaun missa kalan Natál iha Igreja Katedrál Dili, sexta (24/12). Imajen Tatoli/Francisco Sony

Tanba, Signifikadu Natál ne’e atu hametin fraternidade entre familia sira no hapara asaun violentu.

“Natál ninian signifikadu lolops mak sarani hotu atu hametin fraternidade iha familia, la’ós Natál ita selebra ho tuda malu halo asaun violentu maibé ita atu hametin relasaun fraternidade iha familia ho domin,” Dom Virgílio konklui.

Notísia relevante: Prezidente Repúblika deseja feliz Natál ba povu no titulár órgaun soberania

Jornalista  : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here