Ekipa selesaun anusiu ba kandidatura selesionadu neebe sei kompete iha kongresu ba preidente FFTL foun iha fuln febreiru 2022. kuarta 22/12/2021.Imajen Tatoli/Antonio Goncalves

DILI, 23 dezembru 2021 (TATOLI)— Federasaun Futeból Timor-Leste (FFTL) liuhosi Komité Eleitorál anúnsia tiha ona kandidatura na’in-tolu atu kompete ba Ezekutivu períodu 2022-2026.

“Ohin Komité Eleitorál no Komité Judisiáriu hakarak anúnsia kandidatu hirak ne’ebé submete ona sira-nia kandidatura ba Komité Ezekutive FFTL períodu 2021-2026, ne’ebé sei hili iha kongresu FFTL dahitu iha 26 Fevereiru 2022,” refere nota ne’ebé Agência TATOLI asesu, kinta ne’e.

Ekipa selesaun anusiu ba kandidatura selesionadu neebe sei kompete iha kongresu ba preidente FFTL foun iha fuln febreiru 2022. kuarta 22/12/2021.Imajen Tatoli/Antonio Goncalves

Kumpre ba Estatu FFTL artigu 37 ne’ebé afirma rekezitu kandidatura ba Komité Ezekutivu foun no Kódigu Eleitorál Artigu 11, mak Komité Eleitorál no Komité Judisiáriu verifika ona kandidatu sira ne’ebé submete ona sira-nia kandidatura tuir prazu ne’ebé fó sai.

Hosi rezultadu verifikasaun ne’e maka Komité Eleitorál no Komité Judisiáriu mós ohin liuhosi anunsia ba públiku kandidatu na’in-tolu hanesan, dahuluk kandidatura ba pozisaun prezidente FFTL ne’ebé propoin husi Asosiasaun tolu mak Francisco Kalbuadi Lay, hanesan Eis prezidente FFTL, atuál vise-prezidente Asean Football Federation no prezidente Komité Kompetisaun AFF.

Daruak, Kandidatura ba pozisaun prezidente FFTL ne’ebé propoin hosi Asosiasaun ida mak Franscisco Martins da Costa Pereirra Jerónimo, atuál prezidente FFTL no membru Komité Finansa AFF.

Ikus liu,  kandidatura ba pozisaun prezidente FFTL ne’ebé propoin husi asosiasaun ida mak Nilton Telmo Gusmão dos Santos, atuál prezidente Liga Futeból Timor-Leste.

Enkuantu,  Kandidatura ba kargu vise-prezidente FFTL, Domingos Raul “Falur Rate Laek”, atuál vise-prezidente FFTL no Aleixo da Silva Gama “Cobra”, atuál vise-prezidente FFTL.

Kandidatura ba kargu membru ezekutivu feto mak Engracia Pimentel Fernandes, sekretária-Jerál Asosiasaun Futeból Feminino no Maria Terezinha Viegas, atuál membru ezekutivu.

Kona-ba kandidatura ba kargu membru ezekutivu kompostu hosi Marito Belo, prezidente Asosiasaun Futeból Baucau, Henrique da Costa, atuál membru ezekutivu FFTL no prezidente Asosiasaun Futsál Timor-Leste, Faustino G.G. da Costa, atuál membru ezekutivu FFTL, Augusto Henrique, atuál membru ezekutivu FFTL no prezidente Asosiasaun Futeból Covalima, Ângelo Lopes, atuál membru ezekutivu FFTL no prezidente Asosiasaun Futeból Lautém,  Aniceto Gouveia “Berlelo”, atuál prezidente Asosiasaun Arbitrajen, Ipólito Soares, atuál prezidente Asosiasaun Futebol Dili Oeste no Ricardino S. dos Reis, atuál membru ezekutivu FFTL no prezidente Asosiasaun Futebol Aileu.

Kandidatu hirak-ne’ebé seidauk kompleta dokumentu sira hanesan Rejistu Kriminál no Fotografia koloridu 4×6 tenke submete iha loron 5 Janeiru to’o 12 Janeiru 2022.

Komité Eleitorál no Komité Judisiáriu disponivel nafatin atu fó asistensia ba kandidatu sira hodi kompleta dokumentu ne’ebé temi ona.

“Ikus liu, ami hakarak hato’o mós Ksolok Natál no Tinan Foun ba Ita hotu. Mai ita selebra loron Natál no Tinan Foun ho ksolok, no liuhusi Kongresu eleitivu FFTL 2022 nian bele lori ambiente foun ba iha futebol Timor-Leste,” refere nota ne’e.

Jornalista  : Hortencio  Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here