Médiku sira prepara hela vasina AstraZeneca COVID-19 hodi oferese ba komunidade sira, kuarta 18/11/2021. Imajen TATOLI/Antonio Goncalves

DILI, 22 dezembru 2021 (TATOLI)— Diretór Servisu Saúde Munisípiu Lautém,  Anastacio da Cruz, informa, hahú hosi tinan 2020 to’o 2021, foka liuba prevensaun no vasinasaun COVID-19, nune’e doze kompletu atinje ona 62%, ne’ebé  ekivalente ho ema 22.492.

“Tarjetu ne’ebé nivél nasionál fó mai ami ne’e hamutuk 36.418, hosi númeru ne’e ema ne’ebé simu ona doze dahuluk hamutuk 29.139 ho 80,1% no restu ne’ebé seidauk simu hamutuk 7.279. Enkuantu ema ne’ebé mak simu ona doze daruak hamutuk 22.492 ho 62% no sira ne’ebé mak seidauk simu doze daruak mak hamutuk 3.926 ho 38,24%,” Diretór Anastacio, hateten ba Agência TATOLI via telefínika, kuarta ne’e.

Diretór Servisu Saúde Munisípiu Lautém, Anastacio da Cruz. Imajen Agência TATOLI/Natalino Belo.

Alende, Diretór ne’e dehan foka mós atividade esensiál sira seluk iha sentru saúde no postu saúde sira atu kontinua mantein medida prevensaun sira atu COVID-19 iha tinan oin labele existe ona.

“Ami nia dezafiu durante ne’e mak transporte, maibé iha setembru mak Organizasaun Mundiál Saúde (OMS) koloka karreta haat mai hodi fasilita halo servisu ba iha COVID-19 no Ministériu Saúde mós apoia fasilita ona kobertura vasina no atendimentu saúde ba komunidade sira,” nia afirma.

Nune’e, planu ba tinan 2022, Servisu Saúde Munisípiu Lautém nafatin halo servisu vasinasaun no mós atividade esensiál saúde públika.

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here