Ilustrasaun alterasaun klimátika. Imajen/iberdrola

DILI, 22 dezembru 2021 (TATOLI)–Governu liuhosi reuniaun Konsellu Ministru (KM), kuarta ne’e, aprova ona Projetu Rezolusaun kona-ba polítika nasionál alterasaun klimátika.

“Polítika ne’e estabelese deklarasaun klaru tuir prinsípiu polítika ne’ebé determina liuhosi mekanizmu lee no interpreta lei, atu adota destina hatán ba situasaun emerjente hosi alterasaun klimátika,” Ministru Prezidénsia Konsellu Ministru, Fidelis Manuel Leite Magalhães, relata, hafoin reuniaun ezekutivu, iha Palásiu Governu.

Projetu Rezolusaun Governu ne’e aprezenta hosi Ministru Koordenadór Asuntu Ekonómiku, Joaquim Amaral no Sekretáriu Estadu Ambiente, Demétrio do Amaral de Calvalho.

Tuir Portavóz Govenu, adosaun polítika ne’e sei permite la’ós de’it atu reforsa koordenasaun hosi ministériu sira no evita duplikasaun medida inklui aplikasaun sira ne’ebé dezatualiza, maibé permite mós atu estabelese estrutura baze kona-ba polítika saida mak iha futuru relativa ba alterasaun klimátika ka setoriál no transversál sira, sei identifika no prioritiza.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here