Pasajeiru sira hein atu sa'e ró Atauro Express, iha Portu Dili, kuarta (22/12). Imajen TATOLI/Francisco Sony

DILI, 22 dezembru 2021 (TATOLI)–Movimentu Estudante Tane Oé-Cusse (METO) husu Governu autoriza ona ró Berlin-Ramelau halo operasaun, nune’e fasilita komunidade halo movimentu via marítima iha loron boot.

Portavóz METO, Mateus Lopo, hateten, razaun husu Governu autoriza ró halo operasaun tanba lansa ona iha loron 20 dezembru.

“Ami husu entidade relevante fa’an ona billete, nune’e bele halo operasaun fasilita komunidade atoni no Ataúro-oan, durante natal no tinan foun,” Portavóz movimentu hateten iha  Portu Dili, kuarta ne’e.

Notísia relevante: Governu Alemaña ofisialmente entrega ró-ahi Berlin-Ramelau ba Timor-Leste

Reprezentante METO, Mateus Lopo. Imajen TATOLI/Francisco Sony

Tuir movimentu ne’e, durante ne’e liuhosi Diresaun Nasionál Transporte Marítima (DNTM) autoriza ró privadu sira hanesan Ataúro Express no Barku Rápidu (kapal cepat) halo operasaun hanesan inisiativa di’ak maibé presiza haree didi’ak presu.

“Ida-ne’e di’ak maibé presu billete karun. Ró rua hosi empreza halo operasaun ne’e di’ak, maibé nia presu sa’e, iha barku rápidu prevee billete ho tipu tolu ho folin la hanesan, kompostu hosi klase ekonomia $15, turista $20, no Very Important Person (VIP) $25, ba neseidade bázika hanesan fo’os ne’e selu $3 ba leten, ida-ne’e ladún korresponde ho rendimentu komunidade nian, entaun komunidade ne’ebé kbiit laek labele esesu tanba folin billete karun,” nia akresenta.

Ba kestaun ne’e, Agência TATOLI seidauk hetan konfirmasaun hosi entidade responsável halo operasaun ró Berlin-Ramelau inklui empreza ne’ebé fa’an billete karun.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here