Komisaun Funsaun Publika (KFP) hala’o sorumutu ho liña ministeriál hala’o avaliasaun ba progressu servisu ne’ebé alkansa ona ho nia dezafiu iha ámbitu jestaun rekursu umanu iha edifisiu Ministeiru Finansa, Aitarak Laran, Dili, kuarta (22/220. Imajen Tatoli/Nelson de Sousa.

DILI, 22 dezembru 2021 (TATOLI)-Komisaun Funsaun Públika (KFP), kuarta ne’e realiza sorumutu ho kargu xefia hanesan Diretór Jerál no kargu ekiparadu hosi liña ministeriál no ajénsia autónomu sira hodi avalia progressu servisu, alkansu no dezafiu sira iha ámbitu jestaun rekursu umanu.

Prezidente Komisaun Funsaun Públiku, Faustino Cardoso, hateten sorumutu refere loloos regularmentu hala’o kada fulan tolu maibé tinan ne’e ho situasaun Covid-19 ne’ebé Estadu impoen medida estadu emerjénsia ho serka sanitaria, nune’e labele realiza.

“Objetivu hosi sorumutu ne’e atu haree jestaun rekursu umanu ninia implementasaun sira iha nivél liña ministeriál no instituisaun públika sira, atu haree progresu no dezafiu hodi hato’o fila-fali sujestaun hirak ne’ebé nessesáriu hodi hadi’a liután tempu oin mai,” Prezidente KFP ne’e hateten ba jornalista sira iha edifísiu Ministéiru Finansa, Aitarak Laran, Dili, kuarta ne’e.

Jestaun rekursu umanu ne’e luan tebes hahú kedas hosi planeamentu forsa traballu, rekrutamentu, kolokasaun, nomeasaun kargu dirasaun xefia, promosaun, selesaun méritu, kestaun ligadu ho saláriu no subsídiu, formasaun, reforma no pensaun ho sira seluk tán.

Nune’e mós, atu halo balansu ida ba iha dezempeñu funsaun públika iha nivél liña ministeriál no mós nivél munisípiu sira.

“Ita iha mekanizmu atu hatene kona-ba avaliasaun dezempeñu fila-fali ba responsavilidade instituisaun ida-idak ninian no komisaun tinan-tinan simu rezultadu hafoin prosesa ida-ne’e ba iha ámbitu oinsá mak asegura progresaun eskalaun funsionáriu públiku no prosesu efeitu salariál,” Prezidente KFP ne’e hateten.

Normalmente avaliasaun dezempeñu iha kategoria haat no KFP entende katak 70%-resin avaliasaun ho valor muito bom.

Prezidente KFP, Faustino Cardoso, relata kestaun dezafiu ba avaliasaun ne’e iha rezultadu ne’ebé alkansa hosi instituisaun ida-idak tanba sei iha lakuna ho dekretu lei seida’uk asegura situasaun refere, tanba ne’e KFP iha tinan rua liu-ba aprezenta tiha ona proposta alterasaun dekretu-lei kona-ba avaliasaun dezempeñu nian.

Iha avaliasaun ne’e atu tau atensaun makaas liu-bá rezultadu servisu ne’ebé alkansa no la’ós haree de’it kestaun komportamentu hodi nune’e armoniza ho polítika Governu.

Aleinde ne’e, durante sorutumu avaliasaun ne’e kargu xefia liña ministeriál foti, liga ba kompeténsia área jestaun rekursu umanu hanesan nomeasaun kargu dirasaun xefia ne’ebé liu hosi selesaun méritu.

KFP fasilita avalaisaun ne’e hodi bele tuir nia objetividade, kredibilidade no integridade ba prosesu selesaun méritu maibé mandatu seidauk ramata hetan ezonerasaun.

“Tanba komete ireegularidade konforme justifikasaun sira-ne’ebé mak hato’o, ida-ne’e mak hanesan dezafiu ida,” nia dehan.

Tan ne’e, Komisaun Funsaun Públika hafoin iha prosesu selesaun méritu presiza dezenvolve liután la’ós de’it hetan sertifikasaun kompeténsia hosi teste, maibé atu oinsá hatene ema-nia atetude, komportamentu liuhosi asegura ninia servisu ho di’ak, fó satisfasaun, la indepedentemente mudansa Governu ninian.

Enkuantu dadaun ne’e totál funsionáriu públiku iha territóriu nasionál hamutuk rihun 35-resin.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here