Primeiru-Ministru, Taur Matan Ruak, prezide reuniaun Konsellu Ministru. Iha Palásiu Governu, kuarta (22/12). Imajen TATOLI/Francisco Sony

 DILI, 22 dezembru 2021 (TATOLI)–Governu liuhosi reuniaun Konsellu Ministru (KM) aprova Projetu Dekretu-Lei, ho objetivu atu estabelese rejime jurídiku edifikasaun no urganizasaun, liliu ba operasaun loteamentu (divizaun área ida), obra urbanizasaun, konstrusaun no utilizasaun edifikasaun.

“Iha proposta alterasaun hosi liña ministeriál no parte Ministériu Planu Ordenamentu (MPO) ne’ebé sei kompila hotu, nune’e iha faze redasaun finál bele reflete opiniaun, sujestaun, no rekomendasaun atubele iha produtu finál dekretu-lei ne’ebé di’ak liu,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu, kuarta ne’e.

Nune’e, diploma ne’e garante apoiu legál hosi prosedimentu indispensável konjunta ba kontrolu préviu ka lisensiamentu no kontrolu susesivu ka fiskalizasaun hosi obra partikulár edifikasaun no urbanizasaun.

Dekretu-Lei ne’e hosi Ministru Planu no Ordenamentu, José Maria dos Reis, maibé tanba okupadu no la partisipa iha reuniaun ezekutivu maka aprezenta fali hosi Ministru Administrasaun Estatál, Miguel Pereira de Carvalho.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here