Xefe Avaliadór Postu Komandu Tátika Ezersisíu Cobra21-2 Tenente Koronél, João da Costa Esteves. Imajen Tatoli/Francisco Sony.

BOBONARO, 17 dezembru 2021 (TATOLI) –  Xefe Avaliadór Postu Komandu Tátika Ezersísiu Cobra 21-2, Tenente Koronél João da Costa Esteves, fó-sai katak ezersísiu cobra ne’ebé hala’o hosi FALINTIL-Forsa Defeza Timor-Leste (F-FDTL) prenxe ona padraun internasionál atubele kumpri misaun iha rai-liur.

“Ha’u hanesan avaliadór ba ezersísiu ida-ne’e, bele tama ona padraun internasionál, tanba funsionamentu no lala’ok ne’ebé iha bele konsidera ba doutrina misaun North Atlantic Treaty Organization (NATO) nian nomós Comunidade dos Países da Língua Portuguesa (CPLP) nian hanesan operasaun Felino sira tinan-tinan insitiuisaun F-FDTL envolve iha nivel CPLP nian”, nia inform aba jonalista sira iha postu komandu Damlaran,  aldeia Harame, postu administrativu Atabae, munisípiu Bobonaro, sesta ne’e.

Nu’udar xefe avaliadór iha postu komandu tátika ho membru ofisiál na’in-tolu ne’ebé akompaña diretamente iha terrenu ba pelotaun sira iha kampu batalla nian no labele sees hosi manuál doutrina ne’ebé vigora iha instituisaun F-FDTL.

Iha funsionamentu avaliadór ba arbitrajen nia observasaun maka, oinsá bele avalia ofisiál sira-ne’ebé asume responsabilidade iha postu komandu tátika tuir manuál doutrina ne’ebé sira aprende.

“Tuir manuál doutrina informasaun sira-ne’ebé aprende iha instrusaun bázika no avansadu oinsá maka monta Planu Operasaun (PO) no Planu Ezekusaun (PE), ida-ne’e maka sai objetivu prinsipál ba ami avaliadór,” Xefe Avaliadór Ezersísiu Cobra21-2 ne’e hateten.

Nia dehan, ofisiál sira iha terrenu observa primeiru funsionamentu komandu no akompaña sira transmite informasaun ba pelotaun, segundu haree instrusaun bázika ne’ebé militár hetan oinsá sira-nia movimentu ka prosedimentu okupa abrigu sira ho preparadu no la preparadu. 

“Ami-nia relatóriu sei submete ba komandu F-FDTL, karik tau konsiderasaun sei mellora iha ezersísiu tuir mai no relatóriu sira prontu ona atu submete bele ohin ka aban depende ba ha’u-nia komandu husu,” nia katak.

Jornalista         : Francisco Sony

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here