Lider Nasional Xanana Gusmao no Ramos Horta, simu sinzas Saudozu Max Stahl husi nia kaben ho nia oan sira bainhira too iha aeroportu Internasional Prezidente Nicolao Lobato Dili, kuarta 15/12/2021.Imajen/Tatoli/Antonio Goncalves

DILI, 15 dezembru 2021 (TATOLI)— Estadu Timor-Leste ne’ebé reprezenta hosi Ministru Prezidensia Konsellu Ministru, Fidelis Leite Magalhães, simu ofisialmente saudozu Max Stahl nia ahu-kdesan hosi família iha aeroportu Prezidente Nicolau Lobato.

Ahu-kdesan Saudozu Max Stahl to’o iha aeroportu iha tuku 11:45 otl, ho Aviaun Qantas hosi Austrália, ne’ebé simu ho lian-dadoli no parada militár.  

Notísia Relevante: PR fó omenajen espesiál ba saudozu Max Stahl no éroi loriku asuwa’in

Lider Nasional Xanana Gusmao no Ramos Horta, simu sinzas Saudozu Max Stahl husi nia kaben ho nia oan sira bainhira too iha aeroportu Internasional Prezidente Nicolao Lobato Dili, kuarta 15/12/2021.Imajen/Tatoli/Antonio Goncalves

Hafoin Saudozu Max Stahl nia feen no oan-sira  entrega ahu-kdesan ba eis Prezidente Repúblika José Ramos Horta no Lider Karismatiku, Kay Rala Xanana Gusmão. 

“Estadu Timor-Leste liuhosi Governu simu ofisiálmente Saudozu Max Stahl nia ahu-kdesan, agora ita sei la’o tuir prosesu sira hotu hodi fó omenajen hafoin haloot iha semintériu santa kruz iha loron 17 fulan ne’e,” Ministru Fidelis Leite Magalhães, hateten hafoin simu saudozu Max Stahl nia ahu-kdesan, iha aeroportu Prezidente Nicolau Lobato, Dili, kuarta ne’e.  

Ministru Fidelis afirma Saudozu Max Stahl nian domin boot ba Timor tanba halo serbisu jornalístiku hodi fó sai prosesu luta libertasaun ba mundu.

“Ita hotu iha ne’e fó apresizaun ba saudozu nia serbisu no sakrifisiu ne’ebé nia halo hodi kontribui ba Timor-Leste nia libertasaun. Nune’e Timór-ona hotu presiza fó onra ba memoria maun Max Stahl nian,” Governante ne’e afirma.

Lider Nasional Xanana Gusmao no Raomos Horta, simu sinzas Saudozu Max Stahl husi nia kaben ho nia oan sira bainhira too iha aeroportu Internasional Prezidente Nicolao Lobato Dili, kuarta 15/12/2021.Imajen/Tatoli/Antonio Goncalves

Nune’e, Ministru Fidelis agradese ba lideransa nasionál, Kay Rala Xanana Gusmão no José Ramos Horta ne’ebé hamutuk ho Governu hodi simu ahu-kdesan Saudozu Max Stahl.

“Obrigadu ba maun bo’ot (Xanana Gusmão no José Ramos Horta) na’in rua no família sira ne’ebé maka lori Max Stahl nian sinzas mai iha ne’e,” Ministru agradese.

Daudaun ne’e, Ahu-kdesan Saudozu Max Stahl rai iha edifisiu Sentru Audivisuál Max Stahl Timor-Leste (CAMSTL,sigla portuges), durante loron hahú ohin (15/12) to’o sesta (17/12) hafoin haloot iha semiteriu Santa Cruz,Dili.

Notísia Relevante: Saudozu Max Stahl nia obra sai memória eterna ba timor-oan sira

Jornalista: Natalino Costa

Editór      : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here