Jogadór selesaun nasionál hala’o treinamentu iha estádiu jalan besar Singapura. Imajen/ FTTL

DILI, 14 dezembru 2021 (TATOLI)– Ekipa Lafaek sorte aat iha époka ne’e tanba hala’o jogu dahaat hasoru nia adversáriu iha jogu Asian Football Federation (AFF) Suzuki Cup 2021 la konsege konkista vitória.

Iha jogu dahuluk, Timor-Leste kontra Thailandia la konsege gaña vitória tanba derrota 2-0, kontra Myanmar nafatin lakon 2-0, kontra Filipina hetok at liután ba ekipa Lafaek tanba derrota 7-0 no ikusliu ho Singapura ho eskore 2-0.

Hafoin, ekipa Timor-Leste derrota Thailandia ho eskore 0-2, obrigadu tenke fila hikas mai Timor-Leste hodi hein fali oportunidade.

Maski, durante fulan ida-resin iha Singapura, jogadór sira konsege hatudu performe jogu ne’ebé brillante, maibé seidauk sai alvu ba Timor-Leste hodi finaliza nia mehi hakat ba jogu tuir mai.

Iha prosesu atu hakat ba jogu AFF ne’e, nasaun ualu tama ona ba faze grupu A no B hanesan Indonezia, Singapura, Thailandia, Myanmar, Filipina, Laos, Cambodia no Malazia. Nune’e, Timor-Leste tama iha grupu A hamutuk ho uma na’in Singapura, Thailandia, Filipina no Myanmar.

Bainhira joga ho Singapura ekipa rua lansa kontra no atake ba malu ne’ebé másimu, maibé Timor-Leste ladun antesipa bola ho di’ak fó kedan oportunidade ba ekipa uma-na’in hatama uluk golu ida iha minutu 4  iha primeira parte hosi jogadór Adam Swandi  hodi hatuut rezultadu ba 1-0.

Golu ne’e halo Timor – Leste tenke servisu makas atubele buka empatae jogu ne’e, maibé esforsu hirak ne’e hela de’it hanesan esforsu tanba la fó prova ba Timor-Leste atu halo golu.

Avansadu Timor-Leste nian Paulo Gally (21), Elias Mesquita (17) no Mozinho de Lima Barreto (11), halo kontra no atake makas, la konsege halo golu ruma no minutu primeira parte termina rezultadu hela ho 1-0 no Singapura lidera jogu provizóriu.

Dolar ba segunda parte ekipa rua nafatin lansa kontra no atake ba malu ho masimu, maibé Timor – Leste la domina nafatin bola tanba armada singapura hala’o jogu di’ak no domina kampu.

Ho nune’e, iha minutu 70, jogadór Shakir Hamaja halo tan golu muda rezultadu ba 2-0, ho golu ne’e mak termina Singapura nia vitória no to’o minutu termina laiha tán golu ruma mak akontese no vitória hela ba Singapura.

Jornalista : Hortencio Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here