Situasaun debate faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves

DILI,14 dezembru 2021 (TATOLI)—Deputadu sira iha Parlamentu Nasionál liuhosi diskusaun espesialidade proposta lei Orsamentu Jerál Estadu (OJE) 2022 aprova orsamentu ba Jestaun Fundu COVID-19 ho Fundu Infraestrtura.

Notisia Relevante: Governu prevee millaun $332 ba fundu infraestrutura iha OJE 2022

Ba Jestaun Pandemia COVID-19 prevee $37,625,198 ne’e ho rezultadu votasaun a favor 48, kontra ida no abstensaun 13.

“Nune’e orsamentu ba Fundu Covid-19 pasa,’’ Prezidente Parlamentu Nasionál, Deputadu, Aniceto Longuinhos Guterres Lopes, anunsia liu hosi plenária, tersa ne’e.

Orsamentu ba tinan 2022 ne’e, aloka ba bens servisu $31,950,198, kapitál menór $2,265,000, kapitál dezenvolvimentu $ 2,300,000, transferénsia públika $1,110,000 no saláriu vensimentu laiha, ba orsamentu fundu COVID-19 refere sei finansia programa ida, sub-programa neen no atividade 23.

Liu hosi Lei númeru 2/2020, 06 abríl, Parlamentu Nasionál prosede kriasaun fundu COVID-19, ho fin finansia despeza relasiona ho prevensaun no kombate moras COVID-19, administradu, hanesan, ho parte transferénsia estraordináriu fundu petrolíferu autoriza hosi Parlamentu Nasionál hosi lei refere. Fundu ne’e ho finalidade finansia despeza relasiona ho prevensaun no kombate moras COVID-19 (Decreto-Lei 12/2020 de 14 de abril).

PN aprova mós Fundu Infraestrutura $332,453,139, ho votu afavór-42, kontra 0 no abstensaun 19.

Orsamentu tinan 2022 ne’e, aloka ba saláriu vensimentu $34,995, bens servisu $940,865, kapitál menór $32,200, kapitál dezenvolvimentu $331,445,079 no transferénsia públika laiha no sei finansia programa 26, sub-programa 68 ho atividade 1,004.

Programa aproxima servisu Tribunál ba populasaun prevee $4,407,817, programa jestaun finansa públika prevee $3,030,000, programa kultura no patrimóniu $950,000.

Programa telekomunikasaun prevee $16,815,467, programa estrada no ponte prevee $164,495,443, programa dezenvolvimentu rurál no urbanu prevee $11,989,298, programa  seguransa nasionál $6,099,832.

Programa defeza nasionál $4,077,517, programa asesu justisa prevee $50,000, programa jestaun rekursu petróliferu no minerál prevee $2,150,000, programa garante liberdade espresaun no asesu informasaun prevee $450,000.

Programa transporte prevee $400,000, programa boa-governasaun no jestaun instituisionál prevee $11,053,764, programa agrikultura prevee $5,774,544, programa bee no saneamentu prevee $9,150,068 ho programa eletrisidade prevee $11,419,593.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here