Deputadu sira iha Parlamentu Nasionál aprova orsamentu iha debate no votasaun OJE 2022 iha sala plenária Parlamentu Naasionál, sesta (10/12/2021). Imajen TATOLI/Antonio Gonçalves.

DILI, 14 dezembru (TATOLI)- Parlamentu Nasionál, tersa ne’e, aprova proposta lei Orsamentu Jerál Estadu (OJE) 2022 ho montante $1,032,149 ba Institutu Defeza Nasionál (IDN,sigla Portugés) iha espesialidade ho votu afavór 51, abstensaun 12 no kontra 0.

“Nune’e, orsamentu $1,032,149 ba Institutu Defeza Nasionál pasa,” Prezidente Parlamentu Nasionál, Deputadu Aniceto Longuinhos Guterres Lopes, hateten, iha sala plenária Parlamentu Nasionál, tersa ne’e.

Hosi totál $1,032,149 fahe ba kategoria saláriu no vesimentu $73.000, bens no servisu $959,149, transferénsia públika laiha, kapitál menór laiha no kapitál dezenvolvimentu laiha.

Orsamentu ne’e atu finansia programa rua hanesan programa ho kódigu 388 kona-ba defeza Nasionál prevee $753.759 no programa ho kódigu 510 kona-ba governasaun di’ak no jestaun institusionál prevista $278.390.

Alende ne’e,  Parlamentu Nasionál mós aprova orsamentu adisionál ba IDN  hamutuk $545.000 atu  fó kursu mastradu ba ofisiál FALINTIL-Forsa Defeza Timor-Leste no Polisia Nasionál Timor-Leste, iha tinan oin, ba iha universidade sira iha Estadu Unidu Amérika.  

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here