Situasaun debate faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves

DILI, 13 dezembru 2021 (TATOLI)– Parlamentu Nasionál aprova Orsamentu Jerál Estadu (OJE) 2022 ho montante $34,082,481 iha espesialidade ba Polisia Nasional Timor-Leste (PNTL) ho votu afavór 51, abstensaun 12 no kontra 0.

“Nune’e, orsamentu ba Polisia Nasionál Timor-Leste (PNTL) aprovadu,” Prezidente Parlamentu Nasionál, Deputadu Aniceto Longuinhos Guterres Lopes anúnsia iha sala plenária Parlamentu Nasional, segunda ne’e. 

Hosi totál orsamentu alokadu ne’e fahe ba kategoria salariu no vensimentu $17,709,509, bens no servisu $14,712,472, kapitál menór $1,660,500, kapitál dezenvolvimentu no transférensia públika laiha.

Vise Ministru Interiór, Antonio Armindo,hateten, ho aprovasaun OJE 2022 atubele hadi’a serbisu PNTL nian iha tereñu ho di’ak no profisionál.

“Ita hahú hadia sira nia ekipamentu sira, kompleta sira nia transporte ne’ebé durante ne’e la naton, atubele hala’o serbisu prevensaun ba krime saida de’it mak akontese iha territóriu nasionál inklui asegura fronteira terrestre,” nia akresenta.

Orsamentu ho baze ba programa

Orsamentu ne’e atu finansia progama prioridade tolu no sub programa sia no atividade 20 iha períodu 2022.

Programa ho kódigu 366 kona-ba seguransa sosiál ho orsamentu alokasaun hamutuk $31,314,741 ne’ebé iha kategoria Salariu no vesimentu $17,709,509, Bens no Serbisu $12,194,732 no kapitál menór $1,410,500.

Programa daruak ho kódigu 510 kona-ba boa Goveranasaun no jestaun institusionál ho orsamentu alokadu $2,750,990 ne’ebé ba Bens no serbisu $2,500,990 no kapitál menor $250,0000.

Ikus liu, porgrama ho kódigu 980 kona ba igualidade jéneru no inlusaun sosiál ho orsamentu alokadu iha Bens no servisu hamutuk $21,560.

Jornalista  : Hortencio Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here