Deputadu sira halo debate no votasaun Proposta Lei OJE 2022 iha espesialidade, ija sala plenária Parlamentu Naasional, kinta (09/12/2021). Imajen Tatoli/Antonio Gonçlves.

DILI, 09 dezembru 2021 (TATOLI)—Deputadu sira iha Parlamentu Nasionál, kinta ne’e, aprova proposta Orsamentu Jerál Estadu (OJE) 2022 ho montante inisiál $12,506,594 ba Ministéiru Justisa (MJ) iha espesialidade ho rezultadu votasaun a-favór 43, kontra 0 no abstensaun 21.

“Nune’e, Orsamentu Jerál Estadu ba Ministéiru Justisa ho nia alterasaun proposta rua passa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, kinta ne’e.

PN aprova mós proposta númeru 51 ho títulu servisu Ministéiru Justisa ka Defensória Públika, kategória despeza bens no servisu ho programa kódiku 392 kona-ba asesu justisa, dotasaun inisiál $2,997,077 ho alterasaun aumenta $100.000, nune’e dotasaun finál sa’e ba $3,097,077.

PN aprova mós proposta númeru 52 títulu servisu ka orgaun MJ no Defensória Públika, kategória despeza kapitál menór ho programa kódiku 392 kona-ba asesu justisa, dotasaun inisiál 0 alterasaun aumenta rihun $145.000.

Justifikasaun hosi proponente sira katak, responde ba viajén lokál atende julgamentu movél no atividade, rubrika enkargu instalasaun asegura dívida pagamentu eletrisidade, rubrika manutensaun veíkulu no seluk tán.

Deputadu proponente ba proposta ne’e mak Joaquim dos Santos, Francisco de Vasconcelos ho Luis Roberto da Silva.

Maske nune’e, Ministru Justisa, Manuel Cárceres da Costa, pronusia katak la aseita ho proposta ne’e tanba ministéiru distribui ona transporte ba Defensória Públika no Governu rasik iha ona polítika tinan oin la halo akizisaun ba viatura.

Aliénde tuir Ministru, nia parte la hatene kona-ba divída pagamentu eletrisidade.

Iha OJE 2022, Ministéiru Justisa prevee $12,506,594 ne’ebé aloka ba saláriu bensimentu $5,477,29, bens sevisu $6,633,594, kapitál dezenvolvimentu $395,701, kapitál menór no transferénsia públika laiha.  Hosi orsamentu ne’e hodi finansia programa haat, sub-programa 15 no atividade 34.

Programa reforma Estadu sei gasta $120,932, programa asesu justisa sei gasta $7,747,325, programa boa-governasaun no jestaun instituisional sei gasta $4,633,337 no programa igualidade jéneru no inkluzaun sosiál $5,000.

Programa reforma Estadu ho nia objetivu médiu prazu sistema legál efisiente no efikaz, reflete adekuadu organizasaun no sosiedade ho nia sub-programa konsolidasaun lejislativa ho atividade mak konsepsaun konsolidasaun no modernizasaun lejislasaun.

Proprama asesu justisa ho objetivu médiu prazu ba rai iha territíoriu rejista no bens Estadu Toda manten jere ho nia sub-programa reinsersaun sosiál no atividade promosaun reinsersaun sosiál.

Sub-programa servisu prizionál nia atividade dezenvolvimentu servisu prizionál, jestaun finanseira desentralizasaun munisípiu DNSPRS.

Sub-programa servisu kadastru ho atividade rejistu no kadastru terras propriedade, rekuñesimentu atribuisaun direitu propriedade.

Sub-programa jestaun terras propriedade nia atividade jestaun patrimóniu imobiliariu Estadu, jestaun mediasaun disputa iha ambitu terras no propriedade, jestaun finanseira desentralizasaun munisípiu DNTPSC, identifikasaun pontu referensia orden haat.

Sub-programa jestaun informasaun jeoespasiál ho atividade levantamentu dadus klasifikasaun  uso do solo.

Subprograma asesu justisa nia atividade disiminasaun lei vigór no direitu no dever sidadania, asisténsia jurídika, servisu tradusaun no interpretasaun diploma lejislativu, jestaun finanseira desentralizasaun munisípiu hosi Defensória Públika.

Sub-programa dezenvolvimentu rekursu urmanu iha área téknika espesífika ho nia atividade formasaun profisional ba autór justisa.

Sub-programa rejistu notariadu no nia atividade jestaun servisu kartóriu notariadu, jestaun servisu kartória notariadu, jestaun konservatóriu notariu.

Sub-programa identifikasaun sivíl no rejistu kriminál ho nia atividade haat.

No programa boa-governasaun no jestaun instituisional ho nia sub-programa tolu no atividade 10. Enkuantu, programa igualidade jéneru no inkluzaun sosiál ho nia sub-programa ida no atividade ida.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here