Governu ho Parlamentu Nasional Votasaun Proposta OJE 2022 iha debate faze Espesialidade, iha sala plenáriu PN, segunda (06/12). Imajen Tatoli/Egas Cristovão.

DILI, 07 dezembru 2021 (TATOLI)—Parlamentu Nasionál (PN) aprova orsamentu 2022 ba Sekretaria Estadu ba Formasaun Profesionál no Empregu (SEFOPE) iha espesialidade ho votu a-favór 39, kontra neen (6) no abstensaun 17.

“Nune’e, orsamentu ba SEFOPE aprovadu,” Prezidente Parlamentu Nasionál, Deputadu Aniceto Longuinhos Guterres Lopes, anunsia iha debate proposta Orsamentu Jerál Estadu (OJE) 2022 iha faze espesialidade ba loron dahuluk, iha sala plenária segunda ne’e.

Iha OJE 2022 ne’e, SEFOPE prevee $4,815.221 ne’ebé aloka ba saláriu no vensimentu $1,952.772, bens servisu $1,849.139, tranferénsia públika $1,013.310, kapitál menór no kapitál dezenvolvimentu laiha.

Orsamentu ne’e atu finansia ba programa haat mak hanesan dezenvolvimentu rurál no urbana $450.718, boa-governasaun no jestaun instituisionál $1.437.916, igualidade jéneru no inkluzasaun sosiál $19.155 no investimentu diversifikasaun ekonómika $2.907.432.

Hosi orsamentu hirak ne’e aloka mós ba kada dirasaun munisipál sira hanesan Baucau totál $37.178, Bobonaro $48.776, Manufahi $37.724, Covalima $43.672, Viqueque $28.451, Aileu $39.712, Ainaro $39.300, Ermera $41.582, Lautém $31.098, Liquiça $31.644, Manatuto $33.945 no Dili $37.636.

SEFOPE hanesan orgaun konjuntu ida-ne’ebé servisu apoiu Sekretáriu Estadu Formasaun Profesionál no Empregu hodi hala’o kompeténsia ida-idak nian, ne’ebé responsabiliza ba konsesaun, implementasaun no supervizasaun polítika jerál ba área traballu, formasaun profisionál no empregu iha artigu númeru 2 dekretu lei númeru 21/2019, 31 jullu.

Jornalista : Arminda Fonseca

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here